පැමිණිල්ලේ සාක්ෂි කරුවා..... අති දක්ෂයන්ට ද වැරදීම් විය හැක...

 
IMDB - 8.4/10
Rotten Tomatoes - 100% 
Letter Boxed - 4.1/5 Genre -Drama/Mistery , Courthouse
 
සර් විල්ෆ්‍රිඩ් රොබර්ට්ස් කියන්නේ එංගලන්තයේ හිටි දක්ෂතම නීතීඥයෙක්..හිටියෙ තරමක් අසනීපෙන්...නිතරම ඔහුගෙ සෞඛ්‍යය ගැන වද වෙන ඒ නිසාම ඔහුට කරදර කරන නර්ස් මිස් ප්ලිම්සෝල්ගෙන් බේරෙන්න..ඇයට හොරෙන් සුරුට්ටු බොන්න..අරක්කු ටිකක් බොන්න නොකරන දෙයක් නෑ...
සර් විල්ෆ්‍රිඩ් සාමාන්‍යයෙන් බාර ගන්නේ විත්ති පාර්ශවයේ නඩු.දොස්තරටයි නීතීඥයටයි බොරු කිවුවොත් අඩි හයක් යට වලේ නිදන්න වෙන්නත් පුලුවන් කියනවනෙ.ඒ නිසා කාට බොරු කිවුවත්,උසාවියෙදි මොනවා කිවුවත් නීතීඥයට ඇත්තම කියන්න ඕනෙ (අවවාදයක් :) ).සර් විල්ෆිර් ගාව අමුතු උපක්‍රමයක් තිබ්බා තමුන්ගෙ සේවා දායකයා අවංකද නැද්ද කියලා හොයා ගන්නත්.ඒක මම මෙතන කියන්න යන්නෙ නෑ.

ඉතිං ඔහොම කාලය ගෙවිලා යද්දි එකෝමත් එක දවසක විල්ෆිර්ඩ් ගාවට එනවා නඩුවක්, විත්තිය වෙනුවෙන් කතා කරන්න...මුලින් අකමැති වුණත් පස්සෙ එයා ඒක බාර ගන්නවා.විත්තියට විරුද්ධ පරිවේෂණීය සාක්ෂි ගොඩයි...සේරටම වඩා වැදගත් වෙන්න පැමිණිල්ලේ සාක්ෂියක්.... අන්තිමට මොකද වෙන්නෙ..මොකද වෙන්නෙ කියලා ෆිල්ම් එක බලලම තේරුම් ගන්න... 1957 එකක් තමයි..කළු සුදු තමයි..හැබැයි මේක බෝරිං කඳක්  කියලා අත හැරියොත් අනේ පවු තමයි... මට නම් එක තත්පරයක්වත් බෝරිං නෑ.. සර් විල්ෆ්‍රිඩ් ගෙයි නර්ස්ගෙයි දර්ශණ ෆිල්ම් එකට හොඳ විකට ස්වරූපයකුත් දෙනවා..හැබැයි මේක කොමඩියක් නම් නෙමේ.

සර් විල්ෆ්‍රිඩ් විදිහට - චාර්ල්ස් ලාෆ්ටන්
විත්ති කාරයා විදිහට - ටිරෝන් පවර්
පැමිණිල්ලේ සාක්ෂිය විදිහට - මර්ලින් ඩිඅට්‍රිච්
නර්ස් විදිහට - අල්සා ලැන්ෂෙස්ටර්
ප්‍රධාන චරිත කරන මේ සිනමාපටය රහස් පරීක්ෂක කතා ලොවේ රැජිණ අගතා ක්‍රිස්ටි ගෙ කෙටි කතාවක් ඇසුරෙන් අධ්‍යක්ෂණය කරලා තියෙන්නෙ බිලී විල්ඩර්.මිනිත්තු 116 යි . බජට් එක ඇ.ඩො.මිලියන 3ක් වෙද්දි ආදායම ඇ.ඩො.මිලියන 9ක් හම්බ කරන්න මේක සමත් වෙලා තියෙනවා..

වැඩි කතා ඕන නෑ Witness for the prosecution ව හම්බ වෙලාම බලන්න.....


- අමිල -

Frida



IMBD 7.4 /10
Frida Khalo කියන්නෙ මෙක්සිකෝවේ සිටි ලෝක ප්‍රකට චිත්‍ර ශිල්පිණියක්.චිත්‍ර ශිල්පය ඇගේ උප්පත්තියේ සිට ඇගෙම තිබුණා කියලා තමයි ජීවිත කතාවෙ කියවෙන්නෙ...

2002 දි Julie Tymor විසින් 'Frida' සිනමා තිරයේ සිතුවම් වෙන්නෙ Frida ගේ ජීවිත කතාව ඇසුරෙන්.
මුලින් Laura San Giacomo ව චරිතයට තෝරාගෙන තිබුණත් මෙක්සිකානු නොවන කෙනෙක් එම චරිතය කරනවාට එල්ල වුණ විරෝධය නිසා මෙක්සිකානු නිලියක් චරිතයට තෝර ගන්න සිද්ධ වුණා.ඒ විදිහට තමයි Slma Hyek ට චරිතය ලැබෙන්නෙ..කතා දෙකක් නෑ ඒ සල්මාගෙ හොදම රගපෑම.අනෙක් අතට ෆ්‍රීඩාගේ හැඩ හුරුවට සල්මා හොදට ගැලපෙනවා..
2003 ප්‍රධාන චරිතයක් උදෙසා හොදම නිලිය ඔස්කාර් සම්මානයට සල්මා නිර්දේශ වන්නෙ Frida හි රගපෑමටයි (මමත් පෞද්ගලිකව හිතන්නෙ නිකොලෙට නෙමේ ඒක සුදුසු සල්මාට කියලා ).
ෆ්‍රීඩා සහ ඇගේ වයස මෙන් දෙගුණයක් වයසැති ස්ත්‍රී ධූර්ත සැමියා; සුප්‍රකට චිත්‍ර ශිල්පී Diego Rivera ( Alfred Molina ) ගේ කතාව සිනමාපටයේ මනාවගෙන හැර දැක්වෙනවා. මත්පැන් අධික ලෙස භාවිතා කල, කාන්තාවන් මෙන්ම පිරිමින් ඇසුරු කල ෆ්‍රීඩාගේ සංකීර්ණ හැගීම් සල්මා හරහා මැනවින් ලබා ගැනීම්ට් Julie සමත් වෙලා තියෙනවා.
සිනමාපටය පුරාවට මෙක්සිකානු සංගීතයෙන් ලබා දෙන්නෙ ලගන්නා සුළු බවක්.
මෙක්සිකානු සංගීතය සහ පරිසරය තියෙන සිනමාපට නරඹන්න මම කොහොමත් කැමතියි. සල්මා හයෙක් සහ පෙනිලොපේ ඩි කෲස් මගෙ ප්‍රියතම නිලියන් දෙන්නෙක් වෙන්නෙ මේ මෙක්සිකානු හා ස්පාඤ්ඤ ගතිය නිසා.
කතාව පටන් ගන්නෙ ෆ්‍රීඩා ලෙඩ ඇදක ඉන්න දර්ශණයකින්...අවසාන වෙන්නෙ ඇදේ මියගොස් සිටින දර්ශණයෙන්. පැය 2කුත් විනාඩි කිහිපයක් දිග සිනමාපටය හැමට රුචි නොවන්නක් වේවි. ඒ වුණත් සල්මාට ආදරය කෙනෙක් නම් බැලිය යුතුයි කියා යෝජනා කරනවා.

- අමිල -

"නවකතාවෙන් සිනමාවට"


 (Above - The Shining )

නිතරම අපිට අහන්න ලැබෙන දෙයක් තමයි අහවලාගේ නව කතාව සිනමාපටයකට කියල. මේක ලංකාවෙ,ඉන්දියාවේ,හොලිවුඩයෙ පමණක් නෙමේ ලෝකෙ ඕනෑම සිනමා කර්මාන්තයකට අදාල දෙයක්. ලෝකයේ විශිෂ්ඨතම සිනමාපට ලෙස ලැයිස්තුගත වන සිනමාපට බොහොමයක් නවකතා පාදක කරගෙන බිහි වෙච්ච ඒවා. කෙනෙක්ගෙ නව කතාවක් සිනමාපටයක් වෙනවා කියන්නෙ සුළුපටු කාරණයක්ද?නෑ කොහෙත්ම නෑ.ඒක ඒ නවකතාවෙ විශිෂ්ඨත්වය ගැන දෙන්න පුළුවන් ඉහලම සම්මානයක්. විලියම් ෂේක්ශ්පියර්,ආතර්කොනන්ඩොයිලි,ඇලෙක්සැන්ඩර් ධූමා ,ජේන් ඔස්ටන්වගේ ගත්කතුවරුන්ගෙ කෘතීන් බොහොමයක් සිනමාපට වලට පාදක වෙච්ච ඒවා.
මේ ලිපියෙ අරමුණ වෙන්නෙ දැනට ජීවත් වෙන ඉංග්‍රීසි නවකතා කරුවන්ගේ කෘතීන් අතරින් වැඩිම වාර ගණනක් සිනමාපට වලට භාජනය වුණ නවකතා කරුවන් ගැන කියන්නයි.

01.ස්ටෙෆන් කිං 
මම මේක කියන්න කලිනුත් කෙනෙක්ට මේ නම හිතෙන්න ඇති. ඇත්තටම ලිපිය ලියන්න කරුණු හොයන්න කලිනුත් මම හිතලා තිබ්බ දෙයක් ඒක.ඒ තරමට ස්ටෙෆන්ගෙ කතා සිනමාපට වලට අරං තියෙනවා විතරක් නෙමේ විශිෂ්ඨතම සහ ජනප්‍රියම  සිනමාපට අතරේ ඔහුගෙ නව කතා වලින් හැදිච්ච ඒවා බොහොමයක් තිබෙණවා .දැනට ඔහුගෙ කතා 34ක් සිනමාපට වලට නගලා තියෙනවා. ඒවා
කැරී - 1976/2013 ,   ද ෂයිනිං - 1980,     කුජෝ - 1983 ,    ද ඩෙඩ් සෝන් -  1983 ,    ක්‍රිස්ටීන් - 1983  ,    චිල්ඩ්‍රන් ඔෆ් ද කෝර්න් - 1984,
ෆයර්ස්ටාර්ටර් - 1984 ,    සිල්වර් බුලට් - 1985 ,    මැක්සිමම් ඔවර්ඩ්‍රයිව් - 1986,    ස්ටෑන්ඩ් බයි මී -  1986  ,  ද රනිං මෑන් - 1987,    පෙට් සෙමටරි - 1989/2019 ,ග්‍රේව්යාර්ඩ් ෂිෆ්ට් - 1990 , මිස් රි - 1990 , ද ඩාර්ක් හාෆ් - 1993 ,  නීඩ්ෆුල් තිංස් - 1991 ,  ද ෂෝෂැන්ක් රිඩෙම්ෂන් - 1994 , ඩොලර්ස් ක්ලෙබොර්න් - 1995 , ද මැංග්ලර් - 1995 , තිනර් - 1996 , ද නයිට් ෆ්ලයර් - 1997 , ඇප්ට් ප්‍යුපිල් - 1998 , ද ග්‍රීන් මයිල් - 1999, හර්ට්ස් ඉන් ඇට්ලන්ටිස් - 2001 , ඩ්‍රීම්කැචර් - 2003 , සීක්‍රට් වින්ඩෝ - 2004 , රයිඩිං ද බුලට් - 2004 , 1408 - 2007 , ද මිස්ට් - 2007 , මර්සි - 2014 , අ ගුඩ් මැරේජ් - 2014 , සෙල් - 2016 , ද ඩාර්ක් ටවර් - 2017 , ඉට් - 2017 


02.නිකොලස් ස්පාර්ක්ස්
ආදරණීය, හැඟීම් බර කතා රචණා කිරීමටම උපන් නිකොලස් ස්පාර්ක්ස් ගේ පොත් සිනමා පට 11කට පාදක වෙලා තියෙනවා.
ඒ    මැසේජ් ඉන් අ බොට්ල් - 1999, අ වෝක් ටු රිමෙම්බර් - 2002 , ද නෝට් බුක් - 2004 , නයිට්ස් ඉන් රොඩන්තේ - 2008 , ඩියර් ජෝන් - 2010 ,  ද ලකී වන් - 2012 , සේෆ් හෙවන් - 2013 , ද බෙස්ට් ඔෆ් මී - 2014 , ද ලෝංගස්ට් රයිඩ් - 2015 , ද චොයිස් - 2016. 



03.ජෝන් ලෙ කැරි' 
 ජෝන් ගේ පොත් වලින් සිනමාපට 10ක් නිර්මාණය වෙලා තියෙනවා. 
ඒවා නම්   ද ස්පයි හූ කේම් ෆ්‍රොම් ද කෝල්ඩ් - 1965 , ද ඩෙඩ්ලි අෆෙයා - 1966 , ද ලුකිං ග්ලාස් වෝ - 1970 , ද ලිට්ල් ඩ්‍රමර් ගර්ල් - 1984 , ද රසියා හෞස් - 1990 , ද ටේලර් ඔෆ් පැනමා - 2001 , ද කොන්ස්ටන්ට් ගාර්ඩ්නර් - 2005 , ටින්කර් ටේලර් සෝල්ජර් ස්පයි - 2011 , අ මෝස්ට් වෝන්ටඩ් මෑන් - 2014 , අවර් කිං ට්‍රේටර් - 2016

              (The Constant Gardener )
 

04.ඉයාන් මැක්-එවන් 
ඉයාන්ගේ පොත් වලින් සිනමාපට 10ක් නිර්මාණය වෙලා තිබෙනවා.

ෂ්මෙටර්ලිං - 1988 , ද කම්ෆොර්ට් ඔෆ් ස්ට්‍රේන්ජර්ස් - 1990 , ද සිමෙන්ට් ගාර්ඩ්න් - 1993 , කන්වර්සේෂන් විත් අ කබර්ඩ් මෑන් - 1993 , ද ඉනසන්ට් - 1993 , ෆස්ට් ලව් ලාස්ට් රයිට්ස් - 1997 , එන්ඩ්‍යුරිං ලව් - 2004 , අටොන්මන්ට් - 2007 , ද චිල්ඩ්‍රන් ඇක්ට් - 2017 , ඔන් චෙසිල් බීච් - 2017 

 

05.ජේ.කේ.රොව්ලිං

මෙයාව නොදන්නෙ කවුද නේ.රොව්ලිං කියන්නේ ලෝක ප්‍රසිද්ධම කතාකාරිය කිවුවොත් බොරුවක් වෙන්න බෑ. මෙයාගෙ පොත් වලින් 9ක් සිනමාවට නගලා තියෙනවා. 
ඒ ; හැරී පොටර් ඇන්ඩ් ද සෝසරර්'ස් ස්ටෝන් - 2001 , හැරී පොටර් ඇන්ඩ් ද චේම්බර් ඔෆ් සීක්‍රට්ස් - 2002 , හැරී පොටර් ඇන්ඩ් ද ප්‍රිස්නර් ඔෆ් අස්කබාන් - 2004 , හැරී පොටර් ඇන්ඩ් ද ගොබ්ලට් ඔෆ් ෆයර් - 2005 , හැරී පොටර් ඇන්ඩ් ද ඔර්ඩර් ඔෆ් ද ෆීනික්ස් - 2007 , හැරී පොටර් ඇන්ඩ් ද හාෆ්-බ්ලඩ් ප්‍රින්ස් - 2009 , හැරී පොටර් ඇන්ඩ් ඩෙත්ලි හැලෝස්  (2010 සහ 2011) , ෆැන්ටෑස්ටික් බීස්ට් ඇන්ඩ් වෙයා ටු ෆයින්ඩ් දෙම් - 2016 (ෆැන්ටෑස්ටික් බීස්ට්ස් ඇන්ඩ් ක්‍රයිම්ස් ඔෆ් ග්‍රින්ඩ්වොල්ඩ් සිනමා තිරපිටපතක් ලෙස රචණා විය )



06.ජෝන් ග්‍රිෂාම් 
 නව වතාවක් මොහුගේ පොත් සිනමාවට පාදක වෙලා තිබෙණවා.
ඒ ; ද ෆර්ම් - 1993 , ද පෙලිකන් බ්‍රීෆ් - 1993 , ද ක්ලයන්ට් - 1994 , අ ටයිම් ටු කිල් - 1996 , ද චේම්බර් - 1996 , ද රේන්මේකර් - 1997 , ද ජින්ජර්බ්‍රෙඩ්මෑන් - 1998 , රනවේ ජූරි - 2003 , ක්‍රිස්ට්මස් විත් ද ක්‍රැංක්ස් - 2004 

 

07.ඩීන් කූන්ට්ස්  


මොහුගේ පොත් 8ක් සිනමාවට පාදක වෙලා තියෙනවා. 
ඩීමන් සීඩ් - 1977 , ද පැසෙන්ජර් - 1977 , වොචර්ස් - 1988 , විස්ෆර්ස් - 1990 , සර්වන්ට්ස් ඔෆ් ට්විලයිට් - 1991 , හයිඩවේ - 1995 , ෆැන්ටම්ස් - 1998 , ඔඩ් තෝමස් - 2013




සමහර විට මග ඇරිච්ච ඒවා තියෙන්න පුළුවන්.එහෙම වුණොත් වරද නිවරද කිරීම මැනවි.

- අමිල -



භාරතයේ විත්ති - 42 - "සාරීකෙ ෆෝල් සා කභි මැච් කියා රේ!"


ආර්.රාජ්.කුමාර් ෆිල්ම් එක ගැනවත් ...ඔය කියන සින්දුව ගැනවත් නෙමේ මේ.
අද ලිපිය වැඩියම කාන්තා පාර්ශවයට වැදගත් වෙයි.
ඉන්දියාව කියන්නෙ ලෝකයේ විශාලම සාරි නිෂ්පාධකයා.ඕක අහන්නත් දෙයක්ද.සාරියේ උපතත් ඉන්දියාවෙ වෙච්ච එකේ.සාරි ම්මිල දී ගන්නම ඉන්දියාවෙ යන එකත් ලංකාවෙ එසේ කරන්න හැකියාවක් තියෙන අය අතරෙ ජනප්‍රිය දෙයක්. ඒත් ගොඩ දෙනෙක් සාරි ගන්න යන්නෙත්, සාරි ගැන දන්නෙත් චෙන්නයි විතරයි. නමුත් චෙන්නයි වලට අමතරම ඉන්දියාවෙ තවත් සාරි කර්මාන්ත තියෙනවා, ඒ ඒ කර්මාන්තයන්ට ආවේණික ලක්ෂණත් එක්කම. මේ කතා කරන්න යන්නෙ ඒ ගැන.

 

(Left - Kangana Ranaut)

 01.කන්ජීවරම්/කන්චිපුරම් 

                         (Vidya Balan in Kanjipuram sari)

                (Tapsi Pannu in Kanjipuram sari) 
 
උඩිනුත් කිවුවා වගේ ඉන්දියාවේ සාරි අතරිනුත් ඉන්දියාවෙන් පිටතත් වඩා ප්‍රසිද්ධ සාරි වර්ගය තමයි කන්චිපුරම් සාරි.මේ සාරි නිපදවෙන්නෙ තමිල්නාඩු ප්‍රාන්තයේ කන්ජීපුරම්/කන්ජීවරම් වල.එහි නිපදවෙන විශේෂ මල්බෙරි සිල්ක් නූල් වලින් තමයි මේ සාරි වියන්නෙ.මනාඉයන්ට සහ විශේෂ උත්සව සඳහා අඳින කන්ජීපුරම් සාරි ප්‍රසිද්ධයි.ඒ වගේම ඒව මිලෙන් අධිකයි. රතු,තැඹිලි,එමරල්ඩ්,තද දම් වගේ තද වර්ණ වලින් මේ සාරි වැඩිපුරම වියනවා.බොර්ඩරයට සහ පල්ලුවට යෙදෙන අලංකාර රන්වන් මෝස්තර නිසාම තමයි මේ සාරි වැඩියම ප්‍රසිද්ධ.2008 දී කල සංගණනයකට අනුව කන්ජීවරම් හි පවුල් 5000ක් පමණ මෙම සාරි නිපදවීමේ යෙදෙනවා.

02.බෙණාරස්/බණාරස්/වර්ණාසි/බර්ණාසි/කාෂි සාරි 
                           (Deepika Padukon in Benaras sari)
                    (Rekha and Sonam in Benaras sari)
 
මේ හෑම නමකින්ම හඳුන්වන්නේ එකම සාරි විශේෂය.බෞද්ධ කතා වල අපි අහලා තියෙන කසී සළු කියන්නෙත් මේ පළාතෙ වියන සළු වලට.(බනාරස් යනු බුද්ධ ඉතිහාසයේ සඳහන් වන බරණස් නුවරයි ).කන්ජීවරම් සාරි වලට පස්සෙ ප්‍රසිද්ධම සාරි වර්ගය තමයි කාශි සාරි.උත්තර් ප්‍රදේශ් ප්‍රාන්තයේ ගංගා නදිය ආශ්‍රිත බනාරස් සහ කාශි නගර මුල් කරගෙනය් මේ කර්මාන්තය ඇති වෙලා තියෙන්නෙ.මුල් කාලයේ මේ සාරි අඳින්න අවසර තිබිලා තියෙන්න රාජකීයයන්ට පමණයි.කන්ජීවරම් සාරි වල බොඩි එකේ මෝස්තර අඩු හෝ නැති වුණත් කාශි සාරි වල බොඩි එකේ මෝස්තර දකින්න පුළුවන්.රතු,මෙරූන්,නිල්,කහ,රෝස ,දම් වැණි තද සහ ලා වර්ණ වලින් වියෙන මෙම සාරි වල රිදී හෝ රන් පැහැ නූලින් බොර්ඩරයේත්,පල්ලුවේත්,බොඩි එකේත් මෝස්තර වියෙනවා.විශේෂයෙන්ම මේ මෝස්තර කන්ජීවරම් සාරි වලට වඩා වෙනස් උතුරු ඉන්දීය මෝස්තරයි.උතුරු ඉන්දීය කාන්තාවන් අතර වැඩියෙන්ම ජනප්‍රිය වන්නේ බනාරස් සාරි ය.

03.රාජස්තාන් මීනා බසාර් /  මහරාණි සාරි

රාජස්තාන් වල මීනා බසාර් කියලා මේ වෙනකොට තැන් කිහිපයක් තිබ්බත් මුලින්ම මීනා බසාර් කියන එක ඇති වෙලා තියෙන්නෙ ආමේර් මාළිගාව පහල ඇතුළු නගරයේ කොටසක.අදටත් මේ ප්‍රදේශයේ සාරි වෙළඳාම සිදු වෙනවා.ආමේර් මාළිගය නරඹන්න යන ඔබට නොමිලයේ ඉන්දීය පුරාවිද්‍යා දෙපාර්තමේන්තුවෙන්ම සපයන කැබ් රිය වලින් මීනා බසාර් නරඹන්න යන්න පුළුවන්.හැබැයි ගිහින් එහි ඉන්න කපටි වෙළඳුන්ගෙන් බේරෙන එක ඔබේ වැඩක්. මුල් කාලීනව මෙම සාරි රාජස්තාන් හි රස්නයට ඔරොත්තු දෙන කපු රෙදි වලින් සහ සිල්ක් වලින් වියන ලද අතර වර්ණ සඳහා රාජස්තාන් වලින් හමු වන පාෂාන ,මල්,එළවළු වර්ග වල යුෂ ආදිය භාවිතා කර තිබෙනවා. සාරිය පුරාම විවිධාකාර රාජස්තානයට ආවේණික (බොහෝ විට මුඝල් සහ රාජ්පුත් සම්ප්‍රදායන් හි මිශ්‍රණ )මෝස්තර දකින්න පුළුවන්.තවද කන්නාඩි කැබලි,සික්වීන්ස්,පබළු,විවිධ ගල් වර්ග මෝස්තර සඳහා බහුලව භාවිතා වෙනවා.(ඇඳුම් මෝස්තර සඳහා මුහුණ බලන කන්නාඩි යොදා ගැනීම රාජස්තාන් හා ගුජරාත් හි ජනප්‍රිය දෙයක්.මෝස්තර සඳහා ජනජීවිතයේ දකින්න ලැබෙන දේවල් වැඩියෙන් භාවිතා කෙරෙනවා.මොණරු,රාජස්තානයේ මල් වර්ග,ඉරිඟු කරල්,කාන්තාවන් ආදී ලෙස. වර්තමානයේ කපු,සිල්ක්,වොයිල් ආදි රෙදි වර්ග වලින් වියන මෙම සාරි ඉතා මිල අධික නොවන මුත් කපටි වෙළඳුන්ට හසු වුනොත් නොවටිනා ගණන් දෙන්නට සිදුවේවි.

04.තාන්ත් සාරි 

(Rani,Bipasha ,Kajol in Tant Sari)



 
තාන්ත් සාරි නිපදවෙන්නෙ බෙංගාල ප්‍රාන්තයේ (වර්තමානයේ බටහිර බෙංගාලය ලෙස හැඳින්වේ ).බෙංගාල ජනජීවිතය වගේම මේ සාරිත් සරලයි.මෙම සාරි වියන්නේ කපු නූලෙන්.බොහෝ විට මුල්කාලයේ සුදු හෝ ඉතා ලා වර්ණයන්ගෙන් මෙම සාරි වියනු ලැබුවත් දන් දැන් ඒ සඳහා ඉතා තද නොවන ඇසට අපහසු නොවන වෙනත් වර්ණයනුත් යොදා ගැනෙනවා.මේවායේ රන් හෝ රිදියෙන් වැඩ දැමීම අඩුයි. බෙංගාලයේ කාන්තාවන් අතර සුප්‍රකට රතු බෝඩරය සහිත සුදු සාරි ලෙස තාන්ත් සාරි දක්වන්න පුළුවන්.බෙංගාල සිනමාපට හෝ බෙංගාලය ආශ්‍රිත හින්දි සිනමාපට නරඹන අය මේවා දැක තිබෙන්න පුළුවන්.බෙංගාලි කතුන්ගේ සාරි අඳින මෝස්තරයත් අන් ප්‍රාන්ත වලට වඩා වෙනස්.ඔවුන් වම් උරහිසෙන් පිටුපසට දමන පොට දකුණු උරහිසින් ඉදිරියට දමා එහි කොන;නිවසේදී නම්  යතුරු කැරැල්ලක් හෝ උත්සව සඳහා සාරි වලට භාවිතා කරන ආභරණයක් එල්ලීම සිදු කරනවා.දේව්දාස් මතක් කර ගන්න.අත්යන්ත්‍ර නිසා තරමක් මිලයි.

05.කසවු සාරි

                          (Kangana Ranaut in Kasavu Sari)
 
දකුණු ඉන්දියාවේ කේරලා ප්‍රාන්තයේ කසවු සාරි වියනවා. අන් ප්‍රාන්ත වල නොදැකිය හැකි මෙම සාරි වල විශේෂය වන්නේ සුදු පැහැ පමණක් වීමයි.සුදු පැහැ සාරි යෙහි රනින් ,රිදියෙන් හෝඅ වෙනත් කළු,දුඹුරු වැනි නූල් වලින් මෝස්තර දකින්න පුළුවන්. චාම් මුත් අලංකාර මෙම සාරි විශේෂයා බොලිවුඩ් නිලියන් අතර පවා ප්‍රසිද්ධයි.

06.බොම්කායි/සෝන්පුරි සාරි
 
නැගෙනහිර ඉන්දියාවේ ඔඩිස්සා/ඔරිස්සා ප්‍රාන්තයේ බොම්කායි නොහොත් සොන්පුරි සිල්ක් සාරි නිපදවෙනවා.යාර 9 මෙම සාරි වල සම්මත ප්‍රමාණයයි.මෙරූන්,කළු,කේසරී (සැෆ්‍රන් වර්ණය ),අඳුරු නිල් වැනි වර්ණ මෙම සාරි විශේෂය සඳහා ප්‍රසිද්ධයි.රනින් හෝ රිදියෙන් මෝස්තර දැමීම අඩු අතර විවිධ වර්ණ වල නූල් වලින් සියුම් එම්බ්‍රොයිඩර් මෝස්තර දැමීම මේ සාරි සඳහා ප්‍රකටයි.

07.සම්බල්පුරි සාරි

මෙම සාරි වියන්නෙත් ඔඩිස්සා/ඔරිස්සා ප්‍රාන්තයෙමයි.තද සහ අඬුරු වර්ණයන්ගෙන් වියන මෙම සාරි වල වර්ණය සෑහන කාලයක් ගතවන තෙක් අලුත් ලෙස දිස් වීම සම්බන්ධයෙන් ප්‍රසිද්ධයි.කඩදාසියක් ලෙස ගණකම් රෙදිවලින් වියන මෙම සාරි පිලිවෙලට තබා අඳින්න හැකි නිසා සහ සරල (වැඩි වශයෙන් තිත් සහ රේඛාමය ) මෝස්තර හේතුවෙන්ද ප්‍රසිද්ධයි.එවන් මෝස්තර සහිත සාරි ලංකාවේද මා දැක ඇති බැවින් ඒවා සම්බල්පුරි සාරි විය හැකියැයි මා උපකල්පනය කරනවා.

08.පෛතනි සාරි
 


මහාරාශ්ඨ්‍ර ප්‍රාන්තයේ වියන සිල්ක් සාරි විශේෂයකි මෙය.තහ වර්ණයන් මෙම සාරි විශේෂය සඳහා භාවිතා වන අතර මුලු සාරිය පුරාම විවිධ මෝස්තර සහිත දිලිසෙන සාරි විශේෂයක් ලෙස මෙම සාරි මහාරාෂ්ඨ්‍ර කතුන් අතර ප්‍රකටයි.මහාරාෂ්ඨ්‍ර සාරිය අඳින ක්‍රමයද වෙනස්.සාම්ප්‍රදායික මහාරාශ්ඨ්‍ර සාරිය පිරිමින් ධෝතිය අඳින්නාක් සේ අඳියි (භාජි රාඕ මස්තානි හෝ බාහුබලි මතක් කර ගන්න .වර්තමානයේ තරුණියන් එසේ අඳිනු දැකීම අඩුයි ).අලංකාරත්වය සහ අමුද්‍රව්‍ය වල වටිනාකම හේතුවෙන් තරමක් මිලෙන් වැඩියි.

09.බන්ධනි සාරි
 
ගුජරාත් සහ රාජස්තාන්  ප්‍රාන්තයන්හි මෙම සාරි නිපදවෙනවා. විශේෂයෙන්ම ගුජරාතයේ කත්‍රී ගෝත්‍රයේ මිනිසුන් මෙම සාරි විවීඉම සඳහා ප්‍රසිද්ධයි.ගුජරාත් සහ රාජස්තාන් හි ජනප්‍රිය ලෙසම ඉතා තද වර්ණයන්ගෙන් වියෙන මෙම සාරි වල තිත් රේඛා වලින් පමණක් මෝස්තර දැමීම විශේෂයි.

10.මුගා සාරි

 
ඇසෑම් ප්‍රාන්තයේ මෙම සාරි නිපදවෙනවා.ඇසෑම් හි තත්වයෙන් උසස් සිල්ක් නූල් වලින් නිපදවෙන බැවින් මිලෙන් තරමක් ඉහලයි.බහුලවම සුදු,ලාකහ,ලා රන් වැනි ලා වර්ණ භාවිත කරමින් වියෙන මෙම සාරි වල අලංකාර් මෝස්තර බොර්ඩරයට,පල්ලුවට සහ අවස්ථානුකූලව බොඩි එකටත් යොදනවා.

11.පොචම්පල්ලි සාරි

දකුණු ඉන්දියාවේ තෙලංගනා ප්‍රාන්තයේ මෙම සාරි නිපදවෙනවා.සිල්ක් නූලෙන් වියෙන මෙම සාරි වලට අඳුරු සහ තද වර්ණයන් භාවිතා වන අතර බොහෝවිට රිදී නූලෙන් මෝස්තර දැමෙනවා.වර්ණ චක්‍රයේ ප්‍රතිවුරුද්ධ වර්ණයන් බොහෝ විට බොඩි එකට සහ බොර්ඩරයට යොදා ගැනෙනවා.

12.චන්දෙරි සාරි
 

සිල්ක් සහ කපු නූල් මිශ්‍රව යොදා මෙම සාරි මධ්‍ය ප්‍රදේශ් ප්‍රාන්තයේ නිපදවෙනවා.සිල්ක් සහ කපු මිශ්‍ර නිසාම අලංකාරයටත්, දේශගුණයටත් දෙකටම ඔබීන නිසා මේ සාරි කාන්තාවන් අතර ප්‍රසිද්ධයි.මෙම සාරි පිම්බෙන් ස්වභාවයක් දකින්න පුලුවන්.තද සහ අඳුරු අර්ණයන්ගෙන් නිමවෙන අතර සරල තිත් සහ රෙඛා මෝස්තර බහුලව භාවිතා කරනවා.

13.කොන්රඩ් සාරි 
 
තමිල්නාඩු කාන්තාවන් අතර මෙම සාරි ප්‍රසිද්ධ කෝවිල් සාරි ලෙසයි.ඒ ඔවුන් කෝවිල් යාම සඳහා මෙම සාරි භාවිතා කිරීමයි.එසේ වුවත් වටිනා ස්ලික් වලින් නිමවෙන මෙම සාරි අලංකාරත්වයෙන් යුතුයි.රේඛා,කොටු මෝස්තර වැඩි වශයෙන් මෙම සාරි සඳහා භාවිතා කෙරෙනවා.

14.ලෙහෙරියා සාරි

රාජස්තානයේ සහ ගුජරාතයේ නිපදවෙන මෙම සාරි බන්ධනි සාරි වලම වෙනත් ස්වරූපයක් . වර්ණ ගැන්වීම සඳහා භාවිතා කරන ක්‍රම නිසා මේවා වෙනස් වෙනවා.බන්ධනි සාරි වර්ණ ගැන්වූ නූල් වලින් වියන අතර ලෙහෙරියා සාරි වියූ පසුව අඹරා හෝ ගැට දමා වර්ණයනි පෙඟවීම මගින් වර්ණ ගන්වනවා.එය එක්තරා බතික් ක්‍රමයකි.සරල රේඛාමය මෙස්තර රටාවන්ගෙන් යුත් ලෙහෙරියා සාරි යුවතියන් අතර ප්‍රසිද්ධයි.

15.ඵුල්කරි සාරි


පංජාබ් ප්‍රාන්තය මුල් කර ගෙන මෙම සාරි නිපදවෙනවා.සිල්ක් නූලෙන් වියන මෙම සාරි වල බොඩි එක පුරාම ලොකු කුඩා මෙස්තර දකින්න පුලුවන්.බොඩි එකේ මෝස්තර අඩු සාරි වල පල්ලුව සහ බොර්ඩරය විශාලව නිමවෙන අතර ඒවායේ තද වර්ණයන්ගෙන් එම්බ්‍රොයිඩර් මෝස්තර යොදනවා.

16.චිකාන්කරි සාරි

උත්තර් ප්‍රදේශ් ප්‍රාන්තයේ අගනුවර ලක්නව් මුල් කරගෙන මෙම සාරි කර්මාන්තය බිහි වී තිබෙනවා.සාම්ප්‍රදායිකව මුස්ලින් (කපු ඌලෙන් වියන , නූල් අතර හිඩැස් ඇති බැවින් දැල් ආකාරයෙන් පෙනෙන රෙදි විශේෂයක් ) රෙදි වලින් නිමවූ මෙම සාරි වර්තමානයේ සිල්ක් රෙදි වලින්ද නිපදවෙන අතර ලක්නව් වලටම ආවේණික වෙනවා.  ලා වර්ණ රෙදි වල සියුම් එම්බ්‍රොයිඩර් මෝස්තර මෙම සාරි වල විශේෂයි.

17.ඉකාත් සාරි



සිල්ක් නූලෙන් වියන මෙම සාරි බතික් ක්‍රම්මයෙන් මෝස්තර යොදනවා.එහෙත් ලංකාවේ දැකිය හැකි බතික් ක්‍රමය සහ මෝස්තර වලට වඩා වෙනස් ඉතා කුඩා සියුම් මෝස්තර යොදන බැවින් එක් සාරියක් නිපදවීමට විශාල කාලයක් වැයවෙනවා.සාම්ප්‍රදායිකව නිපදවන විට මෙම වර්ගයේ එක් සාරියක් නිමවීමට මසකට ආසන්න කාලයක් ගතවන බව කියවෙනවා. මෙම සාරි ඉන්දියාවට අමතරව ඉන්දුනීසියාව,මැලේසියාව ,අප්‍රිකානු රටවල් වලත් ජනප්‍රියයි.

18.බලුචරි සාරි 


 
සිල්ක් නූලෙන් වියන මෙම සාරි බෙංගාල ප්‍රාන්තයේ මුර්ෂිදාබාද් හා බිශ්න්පූර් මුල්කරගෙන නිපදවෙනවා. අඳුරු වර්ණ භාවිතා කරන මෙම සාරි වල පල්ලු වල රාමායණ,මහාභාරතා ආදී දේව කතා වල අවස්තා මෝස්තර ලෙස යෙදීම විශේෂයි.

19.මේඛලා සාරි


මේඛලා චදෝර් ලෙසද හැඳින්වෙන මෙම සාරි ඇසෑම් ප්‍රාන්තයේ අත්යන්ත්‍ර සාරි විශේෂයක්.කපු නූලෙන් වියනා මෙම සාරි ගණකමින් වැඩියි වන අතර පල්ලුවේ ,බොර්ඩරයේ සහ බොඩි එකේද විවිධ වර්ණ වල කපු නූල් වලින්ම මෝස්තර යොදනවා.වර්තමානයේ සිල්ක් යොදාගෙන මෙම සාරි නිපදවීමද ආරම්භ වී තිබෙන අතර මෙම අලංකාර සාරි විශේෂය ඉන්දීය හා බංග්ලාදේශ් කාන්තාවන් අතර අතිෂය ජනප්‍රියයි.

20.චෙට්ටිනඩ් සාරි 

 
කපු නූලෙන් වියන මෙම සාරි විශේෂයද ගනකම් සාරි විශේෂයක්.තද වර්ණ යොදාගෙන නිපදවෙන මෙම සාරි වල කොටු මෝස්තර (ලංකාවෙ විදිහට කිවුවොත් මේස රෙද්දක් වගේ ) සහිත සාරි වඩා ජනප්‍රියයි.තමිල්නාඩු ප්‍රාන්තයේ කරෛකුඩි ගම මෙම සාරි නිපදවීම සම්බන්ධයෙන් ප්‍රසිද්ධයි.

21.බගෘ සාරි 
 
රාජස්තාන් ප්‍රාන්තයේ ජය්පූර් සිට අජ්මේර් යන අතර මග හමු වන බගෘ නම් ප්‍රදේශය මෙම සාරි සඳහා ප්‍රසිද්ධයි.බතික් ක්‍රම ශිල්ප යොදාගෙන නිපදවෙන බැවින් මෙම සාරියක් නිපදවීම සඳහා අදියර කිහිපයකින් යුත් වෙනවා.සරල රාජස්තාන් වලට ආවේණික මෙස්තර බහුල ලෙස මෙම සාරි වලට යොදා ගැණෙනවා.

22.මහේශ්වරී සාරි
 

මහාරාශ්ඨ්‍ර ප්‍රාන්තයේ නිපදවෙන මෙම සාරි වල උප්පත්ති කතාව ලෙස සඳහන් වනුයේ 18 වන සියවසේ මරාතා රාජධානියේ අහිල්යාභායි හොල්කර් රැජිණ ඉන්දියාවේ සිටි දක්ෂතම පේෂකාර්මිකයන් මරාතා රාජධානියට ගෙන්වා තමා වෙනුවෙන් සාරි නිමවීමට යෙදවීමෙන් මෙම සාරි නිපදවීම ආරම්භ වූ බවයි. කපු සහ සිල්ක් නූලෙන් මෙම සාරි නිපදවෙනවා.

23.පටෝලා සාරි
 
ගුජරාත් ප්‍රාන්තයේ නිපදවෙන මෙම සාරි ඉතා අලංකාරයි.මුලු සාරියම කුඩා කොටු වලට බෙදා එම ඔටු තුල මෝස්තර දැමීමෙන් මෙම සාරි අලංකාර කෙරෙනවා.බොලිවුඩ් නිලියන් සහ මෝස්තර නිර්මාණ කරුවන් අතර ජනප්‍රිය සාරි විශේෂයකි.

24.ඉල්කාල් සාරි
 
ඉන්දියාව පුරා බහුලව භාවිතා වෙන සාරි විශේෂයකි.දකුණු ඉන්දියාවේ කර්නාටක ප්‍රාන්තයේ නිපදවෙන මෙම සාරි මිල අධික නොවීම සහ සාමාන්‍ය භාවිතයට සුදුසු බැවින් දෛනික ඇඳුම ලෙස සාරි භාවිතා කරන කතුන් ඉල්කාල් සාරි මිලදී ගන්නවා.කපු නූලෙන් වියන ඉල්කාල් සාරි වඩා ජනප්‍රියයි.

ඉන්දියාවේ සාරිත් එහෙ භාෂාවල් වගේම තමයි.කියල ඉවර කරාන්න ගියොත් පොතක් ලියතහැකි ඒ නිසා මෙතනින් නවත්තනවා.

නැවත හමු වෙමු

- අමිල ලක්මාල් -

another chapter..........

මිහිරී මතකයේ රැඳී... 📻🎵📺🎬🎥📽️🎞️🕣 14 "සුර අසුර"

  වියෝ වී මිහි මඬල ඉකි බිඳී රලු සුළඟ සේ වියෝ වී මිහි මඬල ඉකි බිඳී රලු සුළඟ සේ අළු යටින් මතු වී ඇවිලෙනා ඇවිලෙනා නොනිවි ගින්නක් වී ඉකි බිඳී මි...

popular chapters