බ්‍රෑන්ඩ් එකක කතාවක් - 02 - Ryohei Wada

ම්ම්ම්..මේ ලෑස්ති වෙන්නෙ 2018 අවසාන ලිපිය ලියන්න... මේ වෙලාවෙත් මම මතක් කරනවා මාවලිපි ලියන්න පොළඹවන විදිහේ ලිපි ලියපු..දැනට පෑන පැත්තකට දාලා ඉන්න Hosanda Weerasekara දොස්තර මහත්තයාව... 2017 අවුරුද්දෙ ඉස්සෙල්ලම ලිපි ලිවුවෙ එතුමා ලියපු ලිපි දැකලා ආපු මෙවුවා එක නිසා...

කවුද Ryohei Wada කියන්නෙ... අවුරුදු සීයකට විතර කලින් ජපානයේ දුප්පත් පවුළක ඉපදිච්ච දැරිවියක්.. පවුල තරමක් ලොකු වුන නිසා සහ දැරිය නොහැකි දුප්පත් කම නිසාම උපන් දවසෙ ඉදලාම මේ දැරිවියට පවුලෙ එතරම් සැළකිල්ලක් ලැබෙන්නෙ නෑ.. කොහොම හරි මේ දැරිවිය යාන්තම් යොවුන් විය පහු කරගෙන එන කාලේ එයාගෙ පවුලෙන් වෙන් වෙලා ඔසාකා නගරයට සංක්‍රමණය වෙනවා... ඇවිත් විවිධාකාරයේ කර්මාන්ත කරනවා..දිවි ගැට ගහ ගන්න... දුප්පත් කමත් සමගම ජපනුන්ට හිමි නොපසුබස්නා විරියෙන් යුත් මේ දැරිවිය ලේසියෙන් කිසි දෙයකින් සැළෙන ජාතියෙ කෙනෙක් වුනේ නෑ...
කොහොම හරි මැයගෙ තරුණ කාලය ගැන එතරම්ම විස්තර හොයා ගන්න අමාරුයි..නමුත් 1930 දශකයේ මැය සිල්ලර කඩයක් පටං ගන්නවා...ඇගෙ නොපසුබස්නා විරිය, කාරුණික සේවය ,අවංක භාවය වගේ ගොඩාක් හේතු නිසා මේ සිල්ලර කඩය දවස ගානෙ දියුණු වෙනවා.. අන්තිමේ 1948 වෙද්දි Yaohan Co.Ltd. නමින් සමාගමක් විදිහට සංස්ථාපණය වෙන්නෙ මේ කඩය..සමා වෙන්න ඒ වනවිට සිල්ලර් කඩයක් නෙමෙව් තරමක් විශාල සුපිරි වෙළදසැල් ජාලයක්..දකුණු ටෝකියෝවේ විශාලම සුපිරි වෙළදසැල් ජාලය වුණේ Yaohan වෙළදසැල් ජාලයයි...ඒ විතරක් නෙමේ ලෝකයේ විශාලම කොටස් වෙළදපළක් වන ටෝකියෝ කොටස් වෙළදපොළේත් මේ සමාගම ලැයිස්තුගත වෙනවා..

දිනෙන් දින දියුණුවත් සමගම මේ ව්‍යාපාරය ජපාන දේශ සීමාවන් පැනලා අහල පහල රටවල් වලටත් යනවා..මේ වෙනකොට Ryohei Wada ගෙ දරුවන් තමයි ව්‍යාපාරය කරගෙන ගියෙ. .දරුවන්ගේ ප්‍රතිපත්ති Ryohei ගේ ප්‍රතිපත්ති සමග නොසැසදුන වාර ගණන වැඩියි...
කෙසේ හෝ 1980 හා 90 දශක වන විට සමාගම් සමූහය රටවල් 16ක ශාඛා 450 කින් යුතු ලෝකයේ විශාල සුපිරි වෙළදසැල් ජාලයක් වුනෑ.... ජපානයට සහ චීනයට අමතරව සාඕ පෝලෝ,හොනොලුලු,වැන්කුවර්,ලන්ඩන්

,ලොස් ඇන්ජලීස් ,කැලිෆෝනියා,සැන්ජෝස් යන ලෝකයේ ප්‍රධාන නගර වල Yaohan සිය බල පරාක්‍රමය පැතිරවූවා..පසුව මැකාඋ ,සිංගප්පූරුව සහ මැලේසියාව තෙක්ද එය විහිදුනා...
හොංකොං කොටස් වෙළදපොළේද ලැයිස්තුගත වුන සමාගම එරට ප්‍රසිද්ධ සමාගම් කිහිපයකුත් අත්පත් කර ගන්නට යෙදුනා..

මෙම සමාගමේ ප්‍රතිපත්තියක් වූයේ සමාගමේ සේවකයන්ට අණිවාර්‍ය පුහුණු වැඩසටහන් මාලාවන්ට සහභාගී විය යුතුය යන්න නීතියක් ලෙස පැනවීම සහ වාඩා පවුලෙ අය විශ්වාස කල Seicho-no-le නම් ආගමක විශ්වාසයන් ඉගැන්වෙන පංති සදහා අණිවාර්‍යෙන්ම සහභාගී විය යුතු වීමත් පසුව සේවකයන් ද එම ආගමටම බදවා ගැනීමට කටයුතු කිරීමත් ය..
කෙසේ හෝ Yaohan ඉවක් බවක් නැතිව ව්‍යාප්ත කිරීමට යාමේ ප්‍රතිඵලයක් ලෙස දැරිය නොහැකි ණය කන්දරාවකට යට වන්න සිදු වුණා..එත් සමග සමාගම කොටස් දෙකකට වෙන්ව සමාගම් දෙකක් බවට පත් වුණා..ඉන් එකක් ජපානයේද අනික හොංකොංහි ද සංස්ථාපනය කෙරුණා...1998 අගොස්තු 11 වනතෙක්ම හොංකොං කොටස් වෙළදපොළේ කොටස් විකිණුනේ Yaohan International Co.Ltd. නමින්..

1997 මුලු ආසියාවම වෙලාගත් මූල්‍ය අර්බුධය සහ ජපානය තුල ඇති වුන අර්බුධ නිසා Yaohan බුන්වත්භාවය ප්‍රකාශ කරමින් අධිකරණයට ගියා..ඒ වන විටත් සමාගමේ ණය ප්‍රමාණය යෙන් 161 ක් වුණ බව වාර්තා වෙනවා...යුද්ධයෙන් පසු ජපානයේ සිදු වුන විශාලම ආර්ථික බිද වැටීමක් ලෙස මෙය වාර්තා වෙනවා..1997 සැප්තැම්බර් 18 දින Japanies Rehabilitation Law යටතේ සමාගම අධිකරණය ඉදිරියේ ණය හිමියන්ගෙන් ආරක්ෂාව අපෙක්ෂා කලා..ශාඛා විශාල ගණනක් එක දිගට වසා දමා ස්ථාවර හා ජංගම වත්කම් ද්‍රවශීල වතකම් බවට පත්කර ණය හිමියන්ට පියවීමට කටයුතු කෙරුණා .
2000 මාර්තු මස Aeon සමූහය විසින් Yaohan අත්පත් කරගෙන Maxvalu Tokai ලෙස නම වෙනස් කලා..අලුත් සමාගම විසින් හොංකොං හි තිබුනු සමාගම සහ ශාඛාවන් ද අත්පත් කර ගත්තා..එය Jusco නම් සමාගමක් ලෙස ලියාපදිංචි වුනා..එක්සත් ජනපදයෙ පිහිටි ශාඛාවන් Mitsuwa,Maruwa සහ Marukai සමාගම් විසින් අත්පත් කර ගත්තා..කැනඩාවේ පිහිටි ශාඛාවන් තායිවානයේ President සමූහ ව්‍යාපාරය විසින් අත්පත් කරගත්තා...
මැකාඋ හි පිහිටි ශාඛාව පමණක් New Yaohan යන නමින් නැවත ව්‍යාපාර පටං ගත්තා සහ එය Yaohan International Co.Ltd. පාලනය වුවත් එම සමාගම තවදුරටත් වාඩා පවුළ සමග සම්බන්ධ තාවයක් තිබුනේ නෑ..Yaohan හි ප්‍රකට සන්නාමයක් වු Yaohan best .. Best Denki නමින් වෙනස් වුනා..

ඉතිං මුල ඉදන් මේක කියෙවුව අය හිතන්න ඇති මේ මිනිහා මොකටද මේ ගැන අපිට කියන්නෙ කියලා.. කිසිදු විශේෂයක් නොවෙන තවදුරටත් ලෝක ප්‍රකට සමාගමක් හෝ සන්නාමයක් නොවන එකේ මේක ගැන මොකට කියනවද..
ඒ එක කාරණයක් නිසා..කතාව මුල් හරිය කියවන කොට අපිට (1980 සහ 90 දශකයේ දරුවන් ..ඊයෙ පෙරේදා අය දන්නෙ නැත්තම් දන්න කෙනෙක්ගෙන් අහ ගන්න) හුරු පුරුදු ආදරණීය චරිතයක් මතක් වුනේ නැද්ද.. නෑ?!..
ඒ තමයි ඔෂින් <3 <3 <3 ... ඔෂින් ගෙ කතාවට මූලික පදනම වැටෙන්නෙ Yaohan නිර්මාතෲ වරිය වුණ Ryohei Wada ගේ චරිත කතාවෙන්..අවාසනාවට ඇගී චායාරූපයක් සොයා ගන්න නෑ.

ඉතිං අද මට බස් එකේ යනකොට ඔෂින් මතක් වුනේ තාමත් මගෙ ෆෝන් එකේ රිගින් ටෝන් එක විදිහට තියෙන්නෙ ඔෂින් එකේ තේමා වාදනය නිසයි... https://www.youtube.com/watch?v=MJ5iG5cOB3o
ඔන්න ඉතිං ඇත්ත ඔෂින් ගෙ කතාව..සමහරු දැනං ඉන්නත් ඇති..සමහරු නැතිවත් ඇති...

1980 දශකයේ ජපානයේ NHK රූපවාහිනී ආයතනය විසින් උදෑසන කතාමාලාවක් ලෙසින් විකාශය කිරීමට ආරම්භ වුන ඔෂින් කතා මාලාව ජපානයේ වැඩිම පිරිසක් නැරඹූ කතා මාලාව සහ ලොව පුරා වැඩිම භාෂා ගණනකින් හඩ කවා විකාශනය වුන කතා මාලාව ලෙසත් වාර්තා ගත වෙනවා මෙන්ම IMBD අගය 8.3/10 වෙනවා..ජපානය තුල ඔෂින් ට ඇති ආදරය නිසාම එය 2013 දීත් නැවත සිනමා පටයක් ලෙස නිර්මාණය වුනා..එය නරඹා නෑ..

ලංකාවේ හතර වතාවක් ඔෂින් විකාශය වුනා සහ ඒ හතර වතාවෙම කිසිදු එපා වීමකින් තොරව ඔෂින් නැරඹූ කෙනෙක් මම...ඉතින් ඒ නිසාම මම තාමත් ඔෂින්ට ආදරෙයි...
ඔෂින් කතා මාලාවේ ළමා ඔෂින් ගේ චරිතය කොබයාෂි අයාකෝ විසින් ද..අපි වැඩියෙන්ම ආදරය කරන තරුණ , ලස්සන ඔෂින්ගේ චරිතය යුකො ටනකා විසින්ද අපිට කතාව කියන මහලු ඔෂින් චරිතය ඔටොවා නොබුකෝ විසින්ද ඉදිරිපත් කලා...

යුද්දෙ කාලෙ ඔෂින් කාපු රාබු බත් එහෙම තාම මතකයි..
ඉතිං ආයෙ වතාවක් ඔෂින් පෙන්නුවොත් කිසිදු එපා වීමකින් තොරව බලන්න සූදානම්..ඒත් දැන් ජාතික රූපවාහිනී හඩකැවීම් අංශය ටයිටස් තොටවත්තයන්ගේ හෝ අතුල රන්සිරිලාල්ගේ පාලනයේ නොවන නිසා එය ගැන කීම අපහසුයි...
බලා සිටිමු...

නැවත හමු වෙමු
-අමිල-

Beyond reasonable doubt,සාධාරණ සැකයෙන් ඔබ්බට ......19 - "hElLo KiTty"

(අප්‍රිය සහගත සිදුවීම් ගැන ලියා ඇති බවට අනතුරු අගවමි)

1999 මැයි මාසෙ දිනක හොංකොං වල Tsim Sha Tsui පොලිසියට වයස 14 විතර ගැහැණු ළමයෙක් එන්නෙ මද සිහියෙන් වගේ.. ඇය පොලිස් නිලධාරීන් හමුවේ කියා සිටි කතාව විශ්වාස නොකල ඔවුන් ඇය මානසික රෝගිනියක් සේ සලකා සිටියා...එහෙත් පුන පුනා කියna ඇගේ කතාව හමුවේ ඉහල නිලධාරියෙක්ගේ උපදෙස් මත පොලිස් නිලධාරීන් ඇය සමග යාමට පිටත් වුණා..කොහෙටද ? නො.31,Granville Road වෙතට...
ඇය පවසා සිටියේ හැමදාම ඇයට කරදර කරන මියගිය කාන්තා ආත්මයක් ගැනයි...
නො.31 හි පදිංචිව සිටියේ හොංකොං හි නම ගිය මත් ද්‍රව්‍ය ජාවාරම් කාරයෙක් වුණ 34 හැවිරිදි චං මැං ලොක් සහ ඔහුගේ මිතුරන් වුණ 27 වියැති ලෙඋං ෂිං චාඕ සමගින් 21 වියැති ලෙඋං වයි ලුං යන අයයි... ඉහත කී 14 වියැති ;මාධ්‍යය විසින් ආහ් ෆොං ලෙසින් හැදින්වූ දැරිය 34 වියැති චං ගේ පෙම්වතියයි...
මේ කණ්ඩායම මත්ද්‍රව්‍ය ජාවාරමට අමතරව නීතිවිරෝධී යැයි සැළකෙන ජාවාරම් රැසක්ම සිදු කල අයයි.. ගණිකාවන් සැපයීම ඉන් එකක්...
චංගේ විනෝදාංශයක් වූයේ ප්‍රසිද්ධ ජපං වෙළදනාමයක් වූ හෙලෝ කිටී වෙළද නාමය යටතේ එන දෑ එකතු කිරීමයි..නිවසේ සෝෆා වල කුෂන් කවර, ජනෙල් දොරවල් වල තිර රෙදි, බුමුතුරුණු, ඇදුම් , මුළුතැන්ගේ උපකරණ හා නිවස පුරා තබා තිබූ විවිධාකාරයේ බෝනික්කන් සියල්ලම හෙලෝ කිටී නිෂ්පාදනයි..
ආහ් ෆොං ගේ ප්‍රකාශයට අනුව පොලිසිය නිවසට පැමිණෙන විට මිතුරන් තිදෙනා එහි සිටියේ නෑ... නිවස පරීක්ෂා කිරීමේදී ආහ් ෆොංගේ මග පෙන්වීමට අනුව පොලිසිය විසින් සොයා ගන්නවා තරමක් විශාල හෙලෝ කිටී බෝනික්කෙක්.එය හෙලෝ කිටී හිසකින් සහ දිය කිදුරියකගේ ශරීරයෙන් යුත් බෝනික්කෙක්... බෝනික්කාගෙ හිස ලෙහූ පොලිසියට දක්නට ලැබුනේ ජුගුප්සා ජනක දර්ශණයක්... ඒ බෝනික්කාගේ හිස තුල පුලුන් ගුලිවලට ඇලී ගිය මස් සහ සම් කැබලි වලින් යුතු ඕජස් ගලන , කුණු ගද වහනය වන කාන්තා හිස් කබලක්....

*** *** *** *** *** *** *** *** ***
23 වියැති ෆැං මං යී රාත්‍රී සමාජ ශාලාවක සේවිකාවක්.

ඇය විවාහව කුඩා පිරිමි දරුවෙක්ගේ ද මවක් වුනා.. විවාහයට පෙර ඇය ගණිකා සේවයේ යෙදුන කෙනෙක්.ගණිකා සේවෙයේ යෙදී සිටී කාලයේ නො.31 හි පදිංචිව සිටි මිතුරන් තිදෙනා ඇයගේ ගණු දෙණු කරුවන් වුනා..ඔවුන් සමග ඇය නිතර එහෙ මෙහෙ යන්න පුරුදු වී සිටියා.. දවසක් කණ්ඩායම් නායක චං ගේ මුදල් පසුම්භියක් ෆැං සොරා ගන්නවා..එහි ඒ වෙනකොට හොංකොං ඩොලර් 20,000ක් පමණ මුදල් තිබී තිබුණා (ඇඩො. 2,560 ක්)... මුදල් පසුම්බිය ගැන පසුව ඇගෙන් කල ප්‍රශ්න කිරීම් වලදී චං හමුවේ ඇය කියා සිටිනවා ඇය මුදල් සොරා ගත් බව... අධමයන්ගෙත් අධමයෙක් වුන චං කියා සිටියේ පොළියත් සමග මුදල් ගෙවන ලෙසයි.. පසුව ෆැං පොළියත් සමග ඇ.ඩො 10,000කට සමාන මුදලක් ඔහුට ගෙවනවා...එහෙත් චං ඉන් සැහුනේ නෑ.. ඔහු කියා සිටියේ ඩොලර් 16,000කට සමාන මුදලක් ගෙවන ලෙසයි..එහෙත් ෆැං ට ඒ අවස්තාවෙ කෙසේවත් එය ඉටු කල නොහැකි වුණා...
දින ගණනාවක සිට කල සැළසුමකට අනුව මිතුරන් තිදෙනා 1999 මාර්තු 17 දින ෆැං ව පැහැර ගන්නෙ ඇයව ගණිකා සේවයේ යොදවා මුදල් අය කර ගැනීමටයි ...ඇයව ගණිකා සේවයේ කිහිප විඩක්ම යෙදවූ ඔවුන් ඒ අතරේ ගෙවෙන කාලයේදි ඇයට දැඩි ලෙස වද දෙන්න පටං ගත්තා...මේවාට 14 හැවිරිදි ආහ් ෆොං දායක වුනේ හුදෙක්ම ඉන් ලැබූ විනෝදය නිසා බව පසුව ඇය කියා සිටිනවා.. මේ සේඩිස්ට් (Sadist) ලා හතර දෙනා ෆැං ට නොසෑහෙන වද දුන්නා.. ආහ් ෆොංගෙ සාක්ෂි වලට අනුව ඒ හිංසාවන් කිහිපයක් නම්,
• ප්ලාස්ටික් පුච්චා ඇගේ මුහුණට ,කකුල්වලට සහ සමට වැටීමට සැලස්වීම.
• ඉන් ඇති වුණ තුවාල වලට මිරිස් සොස් දැමීම.
• සිවු දෙනාගේ මලපහ කෑමට සැලැස්වීම.
• ඇගේ මුවට මුත්‍රා කොට බලහත්කාරයෙන් ඒවා පෙවීම.
• වෙලාවක් අවෙලාවක් නැතිව ඇයට පහර දීම.
• එක් වතාවක් වයරයකින් ඇයව සිවිලිමේ එල්ලා කකුල් වලට ලෝහ බට , කැඩුනු මේස කකුල් සහ ලී වලින් පහර දීම.මෙය නැවත්වූයේ ඇගේ ඇගිලි කැඩී යටිපතුල් පුපුරු ගැසූ පසුයි(ආහ් ෆොං ගේ සාක්ෂි)
• තවද ආහ් ෆොං පවසා සිටියේ තව වතාවක චං නොනවත්වා ෆැං ට 50 කට අධික වතාවක් පයින් පහර දුන් බවයි..
මසකට ආසන්න කාලයක් ෆැං විසින් මරණය ආයාචණා කරමින් මේ නිරා දුක් විදිමින් සිටියා... ඇයට කන්න ලැබුනේ නෑ..ලැබුණත් ඒ කෑම සුලු ප්‍රමාණයක් සහ වැඩිමනක් මිතුරු කණ්ඩායමේ මලපහයි 😥😥😥😥😖😖🤬
සියලු වධ බන්ධන අවසන 1999 අප්‍රේල් මස මැද දිනකදි ඇය නාන කාමරයේම සිය අවසන් සුසුම් හෙලුවා .ඒ වන විටත් ඇය නානකාමරය තුළ ඇගේම ජරාව මැද දින දෙකක් ගත කොට තිබුණා..
උදෑසන අවධිව ඇය මිය ගොස් ඇති බව දුටුවත් ඒ නිරිසත්වයන්ට එය එතරම් ගාණක් වුණේ නෑ...ඔවුන් අසල තිබුණු වීඩියෝ ක්‍රීඩා මධ්‍යස්ථානයකට ගොස් ක්‍රීඩා කොට, හවස් වරුවේ ගෙදර විත් නිසල ෆැංගේ මල සිරුර තිබුණු නාන කාමරයේම සසල නොවී ස්නානය කර නිදා ගෙන සිට රාත්‍රී ආහරයෙන්ද පසුව මලසිරුරට කලයුත්තේ කුමක් දැයි කතා වුණා.. අවසනයේ තීන්දු කලේ මල සිරුර කුඩා කැබලි වලට කපා දැමීමටයි..
එ අනුව නාන බේසමට ෆැං ගේ සිරුර දැමූ ඔවුන් කියතකින් එය කුඩා කැබලි වලට කැපුවා... කැපීමට අපහසු හිස වෙනම තැබුවා..
කුඩා කැබලි වලට කැපූ කැබලි භාජනයක දමා තැම්බුවේ මිනිස් මාංශ වල ස්වභාවය සහ ගද ඉවත් කිරීමටයි... දිනකිහිපයක් තිස්සේ මේ මස් තැම්බීම කල අතර ඒ මුළුතැන්ගෙහිම ඔවුන්ගේ දෛනික ආහාරද , එම භාජනම යොදාගෙන සැකසුණා..ඔවුන් කිසි හිරිකිතයකින් තොරව ඒවා කෑමටත් ගත්තා...මස් තැම්බීමෙන් පසුව ඒවා කුණු බහාලන බෑග් වල දමා ඉවත් කිරීමට කටයුතු කලා..

එහෙත් උරයක දැමූ අභ්‍යන්තර ඉන්ද්‍රීයයන්ගෙන් කොටස් කිහිපයක් ඉවත් කිරීමට අමතක වීමෙන් හෝ ඔවුන්ට මග හැරෙනවා..
ඉතිරිව තිබුන හිස් කබල හෙලෝ කිටී බෝනික්කාගේ හිස තුලට දමා මැසූ ඔවුන් එය ආලින්දයේ සුපුරුදු තැනම තබා ඔවුන්ගේ දෛනික කටයුතු සුපුරුදු ලෙස කරගෙන ගියා ....
එහෙත් අපරාධ වලින් තැම්බී නොසිටි තවමත් 14 වියැති ආහ් ෆොං ට මෙය ඉවසා සිටිය නොහැක්කක් වුණා.. ඇයට නිතර නිතර ෆැං ගේ වේදනාකාරී කෑ ගැසීම් සහ ඇමතීම් ඇසෙන්නට වුණා.. ඇය පැවසූ පරිදි ඇය කිහිප වතාවක්ම ෆැංව ආලින්දයේ සහ නානකාමරයේ දුටුවා...
මේ සිදු වීම් වලින් නිදහසක් නැති තැන ඇය තීරණය කරනවා සියල්ල නීතිය හමුවේ වමාරන්න.... ඇය 1999 මැයි මස පොලිසියට යන්නෙ ඒ අනුවයි..

$$$ $$$ $$$ $$$ $$$ $$$ $$$ $$$ $$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$

ආහ් ෆොං ගේ ප්‍රකාශය සහ ලද සාක්ෂි අනුව යමින් පොලිසිය වහා මිතුරු කණ්ඩායම අතඩංගුවට ගත්තා.. හිස් කබලට අමතරව සාලයේ වැටී තිබුණු ෆැං ගේ දතක් සහ ඉවත් කිරීමට අතපසු වුන, කුණු වෙමින් පැවති ෆැං ගේ අභ්‍යන්තර කොටස් ද පොලිසිය විසින් සාක්ෂි ලෙස රැගෙන ගියා...

- නඩුව-
 
චුදිතයන්ට එරෙහිව නඩුව ජූරි සභාවක් ඉදිරියේ ඇසුණා.. ඔවුන් ප්‍රකාශ කර සිටියේ ඔවුන් ෆැං ව මරා නොදැමූ බවයි .. එහෙත් ඇයට නීතිය අනුව හිමි විය යුතු ගෞරවාන්විත අවසාන කටයුත්තක් ලැබීමට නොසැලැස්වීම යන චෝදනාව ඔවුන් පිලිගත්තා ...එය හොංකොං නීතිය අනුව අපරාධයක්...
විත්තියේ නීතිවේදීන් තර්ක කරමින් කියා සිටියේ ෆැං විසින් methamphetamines නම් ඖෂධය අධිමාත්‍රාවෙන් ලබාගත් හේතුවෙන් මිය ගිය බවයි... ඇතැම් පුද්ගලයින් විසින් ලිංගික උත්තේජනය ලබා ගැනීමට මෙම ඔසුව භාවිතා කරන බව වාර්තා වෙනවා...
එහෙත් ෆැං ගේ සැමියා සාක්ෂි දුන්නේ ෆැං ගැබ් ගැනීමට පෙර ඇය මෙම ඔසුව භාවිතා කිරීමට පුරුදුව සිටි බවත් , ගැබ් ගැනීමෙන් පසු සහ දරුවා ලැබීමෙන් පසුවද ඇය කිසි දිනක එය භාවිතා නොකල බවයි... තවද එම ඔසුව ෆැංට ලැබුනේ කෙසේද යන්න ඔප්පු කිරීමට විත්ති පාර්ෂවය අපොහොසත් වෙනවා..
එහෙත් පැමිණිලි පාර්ෂවයට මුහුණ පෑමට වු ලොකුම ගැටළුව නම් ෆැං ගේ මරණයට නියම හේතුව කීමට අධිකරණ වෛද්‍යවරුන් පවා අපොහොසත් වීමයි..ඊට හේතුව නම් ෆැං ගේ සිරුරේ වැදගත්ම කොටස් තම්බා විනාශ කර තිබීමයි...

-තීන්දුව-
 
සති හයක කාලයක් තිස්සේ ඇසුනු නඩුව අවසානයේ ජූරිය තීන්දු කරනවා ;අණිවාර්‍ය් මරණ දඩුවමක් ලබා දීමට අවශ්‍ය වන , ෆැංව මෙම පුද්ගලයන් විසින් ම මැරුවාය යන්න සාධාරණ සැකයෙන් ඔබ්බට ඔප්පු නොවන බව සහ එසේ මුත් මොවුන්ගේ ක්‍රියා කලාපයන් හේතුවෙන් ඇති වුණ තත්ත්වයන් ඇගේ මරණයට බලපෑමක් ඇති කර ඇති බව...

ජූරියේ නිර්දේශය අනුව විනිශ්චයකාර පීටර් න්ගුයෙං විසින් ඔවුන්ට ලබා දිය හැකි උපරිම දඩුවම වන ජීවිතාන්තය තෙක් සිර දඩුවම තිදෙනාටම තීන්දු කරන්නෙ 20 වසරක් යන තුරු කිසිදු සමාවකට යටත් නොවන බවටද තීන්දු කරමින්.. ආහ් ෆොං නීතිපතිවරයා විසින් නිදහස් කිරීමට නිර්දේශ වන්නෙ රජයේ සාක්ෂි කරුවකු වූ නිසා සහ ඇගේ අරමුණ ෆැං ව මැරීමට ම වූ එකක් බව ඔප්පු නොවීම නිසයි...

-පසු සිදුවීම්-
මෙම සිදු වීමෙන් පසුව හෙලෝ කිටී නිෂ්පාදන වලට ඇති ඉල්ලුම සීග්‍රයෙන් පහල ගිය බව එම සමාගම වාර්තා කොට තිබුනා.

එමෙන්ම මිතුරන් වාසය කල නො.31 දරණ නිවාසය කිසිවෙකු විසින් කුලියට හෝ මිලට නොගත්තෙ දරුණු අපරාධයක සෙවණැලි සහ ඒ අතර සැරිසරන ෆැං ගේ ආත්මය ගැන කට කතා ප්‍රදේශය පුරා පැතිරුන බැවිනි...

පසුව අදාල මහල් නිවාස සංකිර්ණයේ අනෙත් වාසින්ද එය අත් හැර ඉවත්ව යන්නට වුනේ සම්පූර්ණ මහල් නිවාසයම හිස් ගොඩනැගිල්ලක් බවට පත් කරමින්..පසු කාලයේදී ව්‍යාපාරියෙක් විසින් මෙම ගොඩනැගිල්ල මිලට ගෙන බිමට සමතලා කර දමනවා...
අපරාධ කරුවන් සදහා සමාවට වැට බැදි වසර 20 අවසාන වන්නෙ ලබන වසරේදීය...
ඉන් පසු කුමක් වේදැයි නොදනිමි..


තීදුව ප්‍රකාශ කරමින් විනිශ්චයකාර වරයා සිය දේශණයේදි පහත දෑ කියා සිටියා..


"Never throughout the years in Hong Kong has a court heard such cruelty, depravity, callousness, brutality, violence and viciousness, perpetrated by a human being, or human beings, on another human being,”
“Even an animal would not have been maltreated in the same way as that received by the deceased.”
"It’s difficult to mention a perversion worse than that,”
“In my mind, the three of you treated the corpse with such callousness and lack of feeling that when she was alive, you [probably] did not treat her like a human being, but like an object.”
- The court is adjourned -

- Amila -

Gallery

The Speaker of the house 'කතානායක'

 මේ දවස් වල හොදට හෝ නරකට ලංකාවේ දනන් තුඩතුඩ රැව් දෙන නමක් තමයි 'කතානායක'...
කතානායක කියන තානාන්තරේ එසේ මෙසේ එකක නෙමේ..බොහොමයක් රටවල් වල කතානායක කියන්නෙ රාජ්‍යයේ තුන්වැනි පුරවැසියා වගේම රාජ්‍ය ප්‍රධානියාගේ අනුප්‍රාප්තිකයන්ගේ ලැයිස්තුවේ දෙවන තැනට සිටින පුද්ගලයා වෙන්නෙත් කතානායක වරයා...
කතානයක තනතුරට වසර හයසිය ගණනක දීර්ඝ ඉතිහාසයක් තියෙනෙවා..1377 එංගලන්ත පාර්කිමේන්තුවේ ප්‍රධානියා හැදින්වීමට මුල් වරට "Speaker of the house" යන්න භාවිතා වුණා..ඒ අනුව වාර්ථා වන මුල්ම කතානායක වරයා වන්නේ 1377 එංගලන්ත පාර්ළිමේන්තුවේ කතානායක වරයා වුන තෝමස් හැංගර්ෆොර්ඩ් ය...
කතානායක වරයාට පාර්ළිමේන්තුව සම්බන්ධයෙන් අධිකාරීන්,වගකීම් සහ යුතුකම් රාශියක් තිබෙන අතර ඉන් ප්‍රධානම කිහිපයක් පාර්ළිමේන්තු විවාද පාලනය කිරීම,පාර්ළිමේන්තු ස්ථාවර නියෝග ක්‍රියාත්මක කරවීම,පාර්ළිමේන්තුව තුළ සිදු වුන චන්ද විමසීම් වල ප්‍රතිඵල ප්‍රකාශ කිරීම සහ ක්‍රියාත්මක කරවීම,සිය අත්සන යොදා පාර්ළිමේන්තුවෙන් සම්මත වුන නීති බලාත්මක කරවීම ලෙස ගෙනහැර පෑ හැකියි...

ඇල්බේනියා,ඔස්ට්‍රේලියා,බංග්ලාදේශ්,බොට්ස්වානා,කැනඩා,චෙක් ජනපදය,ඩෙන්මාර්ක්,ඊජිප්ට්,එස්ටෝනියා,ෆින්ලන්ඩ්,ඝානා,අයිස්ලන්ඩ්,ඉන්ඩියා,ඉරාන්,ඉශ්‍රායල්,ජපානය,කෙන් යා,ලෙබනන්,ලිතුඒනියා,මැසිඩෝනියා,මැලේසියා,මෝල්ටා,නේපාල්,නෙදර්ලන්ඩ්ස්,නිව්සීලන්ඩ්,නයිජීරියා,පකිස්තාන්,පිලිපීන්,සිංගපෝර්,ස්ලොවැකියා,දකුණු අප්‍රිකාව,දකුණු කොරියාව,දකුණු සුඩානය,ශ්‍රී ලංකාව,ස්වීඩන්,ටොංගා,එක්සත්‍ රාජධානිය(house of lords-lord speaker, house of commons - speaker ),එක්සත් ජනපදය,වනුආටු,සිම්බාබ්වේ යන රටවල් 'කතානායක/Speaker' යන්නද...
 
ආර්මේනියා (presindent of the assembly ),ඔස්ට්‍රියා (president of the council ),බෙල්ජියම්,කාම්බෝජය,හොංකොං,මැකාඋ,ක්‍රොඒෂියා,ප්‍රංශය,ජර්මනිය,ග්‍රීසිය,හංග්‍රේ,ඉටලි,ලිබියා,මෙක්සිකෝ,මොල්ඩෝවා,මොන්ටෙංගෝ,නෝර්වේ,පැරගුවේ,පෘතුගාලය,සර්බියා,ස්පේන්,ස්විට්සර්ලන්ඩ්,තයිවාන්,තයිලන්ඩ්,වෙනිසුඒලා යන රටවල් 'සභාපති/presindent ' යන්නද....
 
චීනය,ඉන්දුනීසියාව,කොසෝවෝ,ලැට්වියා,උතුරු කොරියාව,රුසියාව,සුරිනාම්,යුක්‍රේන්,විඑට්නාම් 'සභාපති/chairman' ලෙසද....බල්ගේරියාව 'chairperson' ලෙසද .. අයර්ලන්තය 'head of the council ' ලෙසද...පෝලන්තය 'Marshal' ලෙසද... මෙම තනතුර හදුන්වනවා...

ලංකාවේ මුල් වරට මෙම තනතුර ඇති වන්නෙ 1931 ඩොනමෝර් ව්‍යවස්තාව යටතේ ඇති වුන රාජ්‍යමන්ත්‍රණ සභාවේ/State council of Ceylon ය..1947 සෝල්බරි ප්‍රතිසංස්කරණ යටතේ මන්ත්‍රණ සභාව ඉවත් කොට පාර්ළිමේන්තුව ක්‍රියාත්මක කරවීමත් සමග 'speaker' යන නමින් එම තනතුර හැදින්විමට යෙදුනා...එම ප්‍රතිසංස්කරණය යටතේ ලංකා පාර්ළිමේන්තුවේ කොටස් දෙකට ප්‍රධානීන් දෙදෙනෙකු සිටියා..
Upper House/ Senate - Head of Senate ලෙසද House of representatives - Speaker of the house ලෙසද හැදින් වුනා...
                                       (The first speaker of the State Council of Ceylon as well as the Parliament of Ceylon;Alexander Francis Molamure)

එතැන් සිට මෙතැන් වන තෙක් ලංකා පාර්ළිමෙව්න්තුවේ කතානායක ආසනය 24 වතාවක් වෙනස් වී තිබෙන අතර ඇතැමුන් දෙවතාව බැගින් තනතුර හොබවා තිබෙනවා...ඔවුන් වර්ෂය අනුව අනුපිළිවෙළින්

1. ඇලෙක්සැන්ඩර් ෆ්‍රැන්සිස් මොලමුරේ - 07/07/1931 - 10/12/1934
2. ෆොස්ටර් ඔගස්ටස් ඔබේසේකර - 11/12/1934 - 07/12/1935
3. වෛතිලිංගම් දුරේස්වාමි - 17/03/1936 - 06/07/1947
4. ඇලෙක්සැන්ඩර් ෆ්‍රැන්සිස් මොලමුරේ - 14/10/1947 - 25/01/1951
5. ඇල්බර්ට් පීරිස් - 13/02/1951 - 18/02/1956
6. හමීද් හුසේන් ෂෙයික් ඉස්මයිල් - 19/04/1956 - 05/12/1959
7. ටිකිරි බණ්ඩා සුබසිංහ - 30/03/1960 - 23/04/1960
8. ආර්.එස්.පැල්පොල - 05/08/1960 - 24/01/1964
9. හියු ෆර්නැන්ඩෝ - 24/01/1964 - 17/12/1964
10. ඇල්බර්ට් පීරිස් - 05/04/1965 - 21/09/1967
11. ෂර්ලි කොරෙයා - 27/09/1967 - 25/03/1970
12. ස්ටැන්ලි තිලකරත්න - 07/06/1970 - 22/05/1972
13. ස්ටැන්ලි තිලකරත්න - 22/05/1972 - 18/05/1977
14. ආනන්ද තිස්ස ද අල්විස් - 04/08/1977 - 07/09/1978
15. ආනන්ද තිස්ස ද අල්විස් - 07/09/1978 - 13/09/1978
16. බාකීර් මාකර් - 21/09/1978 - 30/08/1983
17. ඊ.එල්.සේනානායක - 06/09/1983 - 20/12/1988
18. එම්.එච්.මොහොමඩ් - 09/03/1989 - 24/06/1994
19. කිරි බණ්ඩා රත්නායක - 25/08/1994 - 10/10/2000
20. අනුර බණ්ඩාරනායක - 18/10/2000 - 10/10/2001
21. එම්.ජෝෂප් මයිකල් පෙරේරා - 19/12/2001 - 07/02/2004
22. ඩබ්.ජේ.එම්.(වි.ජ.මු) ලොකුබණ්ඩාර - 22/04/2004 - 08/04/2010
23. චමල් රාජපක්ෂ - 22/04/2010 - 26/06/2015
24. කරූ ජයසූරිය - 01/09/2015 සිට මෙතෙක්...

මහමැතිවරණයකට පසුව රැස් වෙන ප්‍රථම පාර්ළිමේන්තු සැසිවාරයේදි කතානායක, නියෝජ්‍ය කතානයක සහ සභානායක යන තනතුරු වලට පුද්ගලයන් තෝරා ගන්නවා..
1948 - 1971 දී කතානායක රාජ්‍ය ධූරාවලියේ පස්වන තැන සිටියා..ඒ අග්‍රාණ්ඩුකාර (governer general) ,අග්‍රාමාත්‍ය,අග විනිසුරු සහ සෙනෙට් සභාවේ සභාපති යන අයට පහලින්...
1971 - 1978 තෙක් හතර වන තැන සිටියේ අග්‍රාණ්ඩුකාර,අග්‍රාමාත්‍ය සහ අග විනිසුරු යන අයට පහලින්...
1978 න් පසුව කතානායක යනු ධූරාවලියේ තුන්වැන්නා බවට පත් වුණා
කතානායක තනතුරට එක් අයෙකුට වඩා වැඩි ගණනක් යෝජනා වුනහොත් චන්දයකින් පුද්ගලයෙක් තෝරාගන්නවා... මෑත අතීතයේදි මට මතක එවන් එක අවස්ථාවක් තිබෙනවා..ඒ 2004/04/22 දින ආණ්ඩු පක්ෂයෙන් ඩිවු ගුණසේකරත් , විපක්ෂයෙන් වි.ජ.මු.ලොකුබණ්ඩාරත් කතානායක තනතුරට යෝජනා කිරීමත් සමග ඇති උණුසුම් වූ තත්ත්වයයි .මෙහිදී ආණ්ඩුපක්ෂ අපේක්ෂකයා පරාද කරමින් විපක්ෂයේ අපේක්ෂජයා වූ විජමු ලොකුබණ්ඩාර කතානායක තනතුරට තේරීපත් වෙනවා...
කතානායක වරයාට රන් නූලෙන් වැඩ දැමූ කලු සැටින් රෙද්දෙන් නිමවූ නිල ඇදුමක් තිබෙන අතර විශේෂ අවස්ථා වලදි සුදු පැහැ 'විග්' එකක් පැළදීම සිදු වෙනවා..එහෙත් කතානායක වි.ජ.මු. මෙම නිල ඇදුම නොඇදීමත් එවක කතා බහට ලක් වුණා...

සෑම පාර්ළිමේන්තු සැසිවාරයකදීම සෙංකෝලය (ceremonial Mace) රැගෙන එන වේත්‍රධාරී (Serjeant-at-arms) පසුපසින් පාර්ළිමේන්තු සභා ශාලාවට පැමිණෙන,පාර්ළිමේන්තුවේ ප්‍රධානියා මෙන්ම රටේ තුන්වන පුරවැසියා වන කතානායක යනු අද අප පාර්ළිමේන්තුව සහ රටේ පළමු හා දෙවන පුරවැසියන් ලෙසම අවමානයට ලක්විය යුතු තනතුරක් නොවේ....
 
- අමිල-

Gallery

         The tomb of the first ever speaker (reported);Sir Thomas De Hungerford and his wife

                                      ජෝෂප් මයිකල් පෙරේරා

                                වි.ජ.මු.ලොකුබණ්ඩාර

                          චමල් රාජපක්ෂ

                        කරූ ජයසූරිය

                           The speaker of the house of UK ;John Bercow

                          The speaker of the house of United States ;Paul Ryan

 

The Terminal.....

පැයක් දෙකක් නැත්තම් තුනක් එයාපෝට් එකක ඉන්න වුනොත් කොච්චර අපහසු අප්‍රියකර දෙයක්ද... මට උපරිම එයාපෝට් එකක බලන් ඉන්න වුනේ චෙන්නයි එයාපෝට් එකේ.. පැය හතක් මට බලං ඉන්න වුණා,දිල්ලි යන්න ෆ්ලයිට් එක ගන්න... ඒ බලා ඉදීම මගෙ ජීවිතේ එපාම කරපු බලා ඉදිල්ලක්.. එහෙට මෙහෙට ට්‍රොලි තල්ලු කරං යන මිනිස්සු, චෙකිං වලට බෝඩිං වලට අනවුන්ස් කරන ඒවා , ඕපදූප කියව කියව ඉන්න මිනිස්සු තව නොයෙක් දේවල් බලං ඉන්න කොහෙත්ම ප්‍රියතාවයක් නැති දේවල්... මට ආයෙ නම් එවන් අවස්තාවක් උදා වෙන්න එපා කියලා ප්‍රාර්ථනා කරනවා...

මේ ලියමනට මාතෘකාව ගත්තෙ 2004 ස්ටීවන් ස්පිල්බර්ග් විසින් අධ්‍යක්ෂණය කරන ලදුව හොලිවුඩ් සුපිරිම නලු ටොම් හැංක් රංගනයෙන් දායක වෙච්ච The Terminal නම් අති සාර්ථක සිනමා පටයෙන්...
ක්‍රකෝසියා නම් රටකින් එක්සත්ජනපදයට එන වික්ටර් නවොස්කි නම් ගුවන් මගියා නිව්යෝක් එයාපෝට් එකේ හිර වෙන්නෙ ක්‍රකෝසියාවේ ඇති වුණ අර්බුධ හේතුවෙන් ක්‍රකෝසියාවෙන් එක්සත් ජනපදයට පුද්ගලයන් පැමිනීම තහනම් කිරීමත්, එක්සත් ජනපදයෙන් ක්‍රකෝසියාවට වීසා දීම තහනම් කිරීමත් හේතුවෙන්..මේ හේතුවෙන් මාස නමයක් තිස්සේ එයාපෝට් එකේ හතර සීමාව තුළ ජීවත් වෙන්න සිද්ද වෙච්ච වික්ටර් ගෙ අනුවේදනීය කතාව තමයි මෙම සිනමාපටයෙන් කියන්නෙ...
මේකට පාදක වුනේ වසර දහ අටක් පැරීසියේ එයාපෝට් එකක සිරව සිටි මෙහරන් කරීම් නසේරි නම් ඉරාන ජාතිකයාගෙ කතාවයි.. කරීම් ගේ කතාව මා දැන් කියන්න උත්සාහ නොගන්නෙ එය අතීතයෙ සිදු වුණ දෙයක් නිසයි...
https://en.m.wikipedia.org/wiki/Mehran_Karimi_Nasseri

වසර දහහතරකට පස්සෙ පුද්ගලයෙක් ටොම් හැංක්ව සම්බන්ධ කරගන්න උත්සාහ කරනවා, ඔහුගෙ ශෝක ජනක කතාව කියලා ටොම් හැංක් ගෙන් උදව්වක් ගන්න..නමුත් ඔහුගෙ ඉල්ලීම ටොම් හැංක් වෙත ගියාද කියන්න මම දන්නෙ නෑ..
මේ පුද්ගලයා තමයි මැලේසියාවේ කුආලාලම්පූර් එයාපෝට් එකේ හිරවී සිටින හසන් අල්-කොන්තාර් නම් වූ සිරියා ජාතිකයා...

මේ ලියන මොහොත වන විටත් ඔහු මැලේසියාවෙ සිරවී සිටිනවා.. 2018 මාර්තු මාසෙ ඉදලා ඔක්තෝබර් මාසෙ වෙනකල් ඔහු කුආලාලම්පූර් එයාපෝට් එකේ සිරව සිටියා සහ පස්සෙ ඔක්තොබර් මාසෙ මැලේසියනු ආගමන විගමන දෙපාර්තමේන්තුවට බාර දුන්නා...
හසන් අල් කොන්තාර් කියන්නෙ එක්සත් අරාබි එමීර් රාජ්‍යයේ රක්ෂණ ආයතනයක සේවය කල පුද්ගලයෙක්.. මෙම පුද්ගලයා එහි සේවය කරමින් ඉන්න අතරෙ 2011 දී සිරියාවේ යුධ අර්බුධ ඇති වෙනවා... මේ අවස්ථාවේ සිරියාවෙන් දැනුම් දෙනවා හසන් ට සිරියන් යුධ සේවයට එක් වන ලෙස..නමුත් එය ට කොහෙත්ම අකමැති වුණ හසන් එමීර් රාජ්‍යයේම රැදී සිටිනවා.. මින් පලි ගැනීමට 2012 හසන් ගේ පාස්පෝට් එක එක්ස්පයර් වෙන වෙලාවේ සිරියාවෙන් ඒක රිනීව් කරන්නෙ නෑ...

මේකත් එක්ක හසන් ට ලොකු ගැටළුවකට මුහුණ දෙන්න වෙනවා..පාස්පෝට් එක රිනීව් නොවන නිසා එමීර් රාජ්‍යයේ වැඩ කිරීමට හසන් ගෙ වර්ක් පර්මිට් එක රිනීව් වෙන්නෙත් නෑ...ඉතිං හසන් ට සිද්ද වෙනවා එක්කො ආපහු සිරියාවට යන්න, නැත්තම් එමීර් රාජ්‍යයේම හොරෙන් රැදී සිටින්න.. සිරියාවට ගියහොත් ඔහුට දඩුවම් විදීමට සිදු වේයැයි යන බිය නිසා ඔහු දෙවන විකල්පය තෝර ගන්නවා.. ඒ අනුව ඔහු වසර හයක් තිස්සේ එමිර් රාජ්‍යයේ එහෙට මෙහෙට කට්ටි පනිමින් නීතී විරෝධී පුද්ගලයෙක් ලෙස ජීවත් වෙනවා.. නමුත් 2017 අවසානයේ ඔහු බලධාරින්ට හසු වෙනවා.. ඔවුන් හසන් ව මැලේසියාවට එවන්නෙ මාස තුනක තාවකාලික වීසා මත.. මැලේසියාව යනු සිරියානු ජාතිකයන්ට පැමිණීමෙන් පසු වීසා නිකුත් කරන රටවල් කිහිපයෙන් එකක්..එම වීසා මත මැලේසියාවට පැමිණෙන ඔහු සිරියානුවන්ට පැමිණි පසු වීසා නිකුත් කරන තවත් එක් රටක් වන කාම්බෝජය බලා ගියත් කාම්බෝජයෙන් ඔහුව නැවත හරවා එවනවා.. පසුව ඔහු ඉක්වදෝරය බලා යාමට ටර්කිෂ් එයාලයින්ස් ටිකට් එකක් ගන්නෙ ඔහු සතුව තිබුණ මුදල් වලින්...නමුත් හසන්ව ටර්කිෂ් එයාලයින්ස් ෆ්ලයිට් එකට බාර ගන්නෙත් නැත්තෙ ඔහු සිරියානු ජාතිකයෙක් නිසා...
ඉතිං අසරණ හසන්ට සිදු වෙනවා කුආලාලම්පූර් එයාපෝට් එකෙම රැදෙන්න.. මෙහෙම ඉන්නකොට එයාගෙ මාස තුනේ වීසා කාලය ඉවර වෙනවා.. දැන් හසන්ට එයාපෝට් එකෙන් මොනම ආකාරයකටවත් එලියට යාමට හැකියාවක් නෑ.. ඉතිං ඔහුට සිද්ද වෙනවා දිවා රෑ දෙකේම එයාපොට් එක බෝඩිමක් කරගෙන ඉන්න...ඔහුට කන්න බොන්න ලැබුණෙ කාරුණික සේවකයන්ගෙන් සහ මගීන් ගෙන්..එකත් හැමදාම එකම කෑම ජාතිය...

ඔහු සිය ට්විටර් සහ ෆේස්බුක් ගිණුම් වල ඔහුගෙ අසරණ දිවිය ගැන නිතර සටහන් කරන්න පටං ගත්තා..
පැය හතක් තිස්සෙ එයාපෝට් එකක කලබල කාරී මුත් කම්මැලි කම ඉවසගෙන ඉන්න බැරි වුන මට හසන් ගේ ජීවිතය කෙසේ ගෙවෙනවාදැයි හිතා ගන්නත් අමාරුයි...

"I am just counting days here, with no hope"

වතාවක් ඔහු එසේ ට්විටර් ගිණුමේ සදහන් කරනවා...

“I don’t know why I keep doing these videos; maybe somewhere deep inside my feelings or my heart I need someone who cares, someone who may [be] able to help, [but] somewhere I know it’s hopeless. It’s a false hope.

“I don’t know what to do. It seems like it will be my home for a while.

“It’s a difficult situation. There’s no place to shower, there’s no place to sleep. I’m even sick but there is no medicine.”

During the video, he was interrupted by chimes signalling an announcement over the airport PA system.

“This sound, I swear — I hate this sound,” he said with the frustration of a person who has been stuck in an airport for way, way too long. “It’s everywhere, day and night.”

මා පෙර කී ලෙසම ඔහු ටොම් හැංක් ව සහ ලෝ ප්‍රකට දේශපාලකයන් සහ තවත් පුද්ගලයන් සම්බන්ධ කරගන්න උත්සාහ කරන්නේ මේ අතරෙදියි...බලපුලුවන්කාරයන් ගේ අවධාණය යොමු නොවුණත් ඔහුගේ මෙම සටහන් නිසා ලොව පුරා සාමාන්‍ය පුද්ගලයන් විශාල පිරිසකගේ අවධානය ඔහු වෙත යොමු වෙනවා.. ඔවුන් ඔහු වෙනුවෙන් ඔන්ලයින් පිටිෂන් එකක් පවා සූදානම් කරනවා..
මේ අතරේ කැනේඩියානු ජාතික ලෝරී කූපර් නමැත්තිය ඔහුට මුදල් එවන්නෙ ආහාර පාන ලබා ගැනීමටයි..ඇය කැනඩාවේ හසන් වෙනුවෙන් ක්‍රියා කරනවා..ඔවුන් බලධාරීන් හමුවී උත්සාහ ගත්තේ හසන්ව කැනඩාවට ගෙන්වාගෙන කැනඩාවේ විස්ට්ලර් හි නවාතැනක් සහ රැකියාවක් ලබා දීමටයි (ඔවුන්ට ඔහු ගෙන්වා ගැනීමට හැකි වුවහොත්)...
වතාවක් ඔහු පවසා සිටියේ ඔහුගේ වීඩියෝවක් දුටු මව බොහෝ සේ කනගාටු වූ බවත් ඔහුගේ රැවුල වැවුනු පෙනුමට ඇය අකමැති වූ බවත්ය.. එය කොතරම් හැගීම් බර අවස්ථාවක් වූවාදැයි නිර්ණය කිරීමට හැකියාව මට නෑ...

ඔහු කන්න බොන්න වුනේ එයාපෝට් එකේ, නිදා ගත්තෙ එයාපෝට් එකේ බිම හෝ පුටු වල... නෑවෙ මහ රෑ ,මගීන් අඩු වුනාට පස්සෙ එයාපෝට් එකේ පොදු වැසිකිලි වල...

මෙහෙම හිටපු හසන්ව ඔක්තෝබර් මාසේ එයාපෝට් එකෙන් අයින් කරලා ආගමන විගමන බලධාරින් ට බාර දෙනවා..
ඉන් පසූව කුමක් වූවාදැයි කියන්න මම හරියටම් දන්නෙ නෑ...
කොහොම වුණත් තමුන්ගෙ මවු බිමින් වෙන් වෙලා , මෙහෙම ඉතාම සීමිත ඉඩ ප්‍රමාණයක, හිර වෙලා එකාකාරි දිවිපෙවෙතක් ගත කරන්න වෙන එක මේ ලෝකෙ වෙන්න තියෙන අවාසනාවන්තම දේවල් වලින් එකක්...
මෙහරන් ට මෙන් හසන්ට වසර ගාණක් මෙසේ ඉන්න සිද්ධ නොවේවා යන්න මගෙ ප්‍රාර්ථනාවයි...

- අමිල-

Gallery

භාරතයේ විත්ති - 30 - 'චෙස් ගම'

ඉන්දියාවෙ කේරළ ප්‍රාන්තය මෑතකදි ලාංකික සිනමා රසිකයන් අතර ජනප්‍රිය වෙන්න ගත්තෙ එහි තිබෙන කතා රසයෙන් අනූන මලයාලම් සිනමාව නිසාමයි... ඉතිං මේ මලයාලම් සිනමාපට නරඹපු අය දන්නව කේරළ ප්‍රාන්තය කියන්නෙ කොච්චර ලස්සන ප්‍රාන්තයක්ද කියන එක...
ඇරපු අතක් නෑ ලංකාව වගේ පළාත් දෙකක් ඉන්දියාවෙ තියෙනවා..එකක් ගෝව අනික තමයි කේරළ ප්‍රාන්තය... පොල් වතු කෙසෙල් වතු පිරිච්ච සරුසාර බිමක්  කේරළය..
මේ කේරලය ගැන වර්ණනාවක් නෙමේ..කේරලයෙ ඉතා කුඩා ගමක් ගැන වර්ණනාවක්..
ඒ ගම තමයි මරොට්ටිචල්..

මරොට්ටිචල් කිවුව ගමං සංචාරකයන්ට නම් මතක් වෙන්නෙ අති සුන්දර මරොට්ට්චල් දිය ඇල්ල සහ විශාල වනාන්තර...මේ කියන්න් යන්නෙ ඒවා ගැනත් නෙමේ...

උන්නික්‍රිෂ්ණන් මරොට්ටිචල් වලට එන්නෙ මීට අවුරුදි පණහකට විතර කලින් ගැටයා කාලෙ..ඒ වෙළදාමක් පටං ගන්න.. 

                       (Unnikrishnan)

ඔහු මරොට්ටිචල් වල හොද තැනක් බලලා පටං ගන්නවා කඩයක්... එක පැත්තකින් දාන්නෙ තේ කඩයක්... මේ කාලෙ වෙනකොට මරොට්ටිචල් වල මිනිසුන් ඔවින් විසින්ම සකසා ගත් මත් පැන් සහ ගංජා භාවිතයට අධික ලෙස ඇබ්බැහි වී ගම විනාශ වෙමින් තිබුණා..උන්නික්‍රිෂ්ණන් මේ අබග්ගයෙන් ගම මුදව ගන්න විදිහක් හිතුවා.. උන්නික්‍රිෂ්ණන් කියන්නේ ඒ කාලේ ඇමරිකානු ජාතික චෙස් ශූරයෙක් වුණ Bobby Fischer ගැන ලිපියකින් කියවා ඒ අනුව ඇති වුන ආශාව නිසා චෙස් උගෙන සිටි ග්‍රාමීය චෙස් ශූරයෙක්.උන්නික්‍රිෂ්ණන් දැන සිටියා එක් ඇබ්බැහියකින් මිනිසුන් මුදවීමටනම් ඉන් ඇති වන හිස්තැන පිරවීමට වෙනත් විකල්පයක් තිබියයුතු බව..එය ,ගම කබලෙන් ලිපට ඇද නොදමන ඉතා ම හොදම විකල්පයත් විය යුතුයි..ඔහු කලේ චෙස් බෝඩ් එකක් ගෙනැත් කඩෙන් තියල එන එන ගණුදෙණු කරුවාව බලෙන් හෝ අල්ලගෙන චෙස් ක්‍රීඩා කරන්න පොළඹවපු එක... 

ඉන්දියාවේම හය වෙනි සියවසේදී පමණ උප්පත්තිය සිදු වුණා යැයි කියන චෙස් ඔවුන්ගේ ජාන තුළ තිබෙන්නට ඇති.. ඒ නිසා ආරම්භය ගැමියන් හයසියයකින් පමණ සිදුවී  90% කට අධික ගම්මුන් පිරිසක් ඉබේම චෙස් ක්‍රීඩාවට හුරු වුණා... හුරු වීම කොතෙක්ද කිවහොත් එය ඇබ්බැහි වලිනුත් උච්චතම ඇබ්බැහිය වී අනිත් සියලුම ඇබ්බැහි කම් යටපත් වුණා..ඒ කියන්නෙ ගම්මුන් වෙලාගෙන සිටි බීමත් කම සහ වෙනත් මත් ද්‍රව්‍ය භාවිතය ගමෙන් ඉවත් වුණේ කාටත් නොදැනීම... උන්නික්‍රිෂ්ණන් ගේ උපායෙන් චෙස් විසින් මරොට්ටිචල් මුදව ගත්තේ ඒ විදිහට... ඉනුත් අවුරුදු පණහකට පස්සෙ අද වෙනකොට මරොට්ටිචල් වල සිටින ගම්වැසියන් 6000 කගෙන් 4000කට අධික පිරිසක් චෙස් ක්‍රීඩාවේ ශූරයන්..ඔවුන් ඒ සදහා වෙනම සංගමයක් පවා ඇතිකරගෙන තිබෙනව...
වයස් බේදයකින් තොරව කුඩා දරුවන් ගේ සිට මහල්ලන් දක්වා චෙස් ක්‍රීඩා කරනවා..

සාමාන්‍යයෙන් කම්මැලි ක්‍රීඩාවක් ලෙස සැළකෙන චෙස් ක්‍රීඩාව මෙතරම් ප්‍රචලිත වුණ වෙනත් ගමක් ඉන්දියාවෙ තබා මේ ලෝකයේ වෙනත් තැනක තිබෙණවාද කියන එක හිතන්න අපහසුයි...

Marottichl village කියලා ජාලයේ සෙවුව සැණින් ඔබට දකින්න ලැබෙන්නෙ හැම තැනම චෙස් ක්‍රීඩා කරන අයගේ පින්තූර මිස ග්‍රාමීය දර්ශණ නොවෙයි.

මුල් කාලීනව පාසල් වලට චෙස් හදුන්වා දීමේදි සංගමය විසින් චෙස් බෝඩ් කිහිපයක් පාසල් වලට ලබා දුන්නා... මාස කිහිපයකට පසු ප්‍රගතිය පිරික්සීමට ගිය සංගම් සාමාජිකයන් පුදුම කරමින් පාසල් වල ළමුන් 90% පමණ දෙනා දෛණික පාසල් උපකරණයක් ලෙස චෙස් බෝඩ් එකක් රැගෙන ඒමට පුරුදු වී සිටියා...
ඔවුන් රූපවාහිණී වලට හෝ දුරකතන වලට ඇබ්බැහි වී නෑ..දුරකතන භාවිත කරන්නන් පවා ඇබ්බැහි වී සිටින්නේ දුරකතනයෙන් පවා චෙස් ක්‍රීඩා කිරීමටයි..
මොලයේ ක්‍රියාකරීත්වය වර්ධනයට  උපකාරී වන ක්‍රීඩාවක් ලෙස චෙස් ක්‍රීඩාවට ඇබ්බැහි වීම නරකක් විය නොහැකියි.

උන්නික්‍රිෂ්ණන්ගේ කඩයේ තිබෙන රූපවාහිනියත් භාවිතයට නොගෙන දුඹුළු බැදෙමින් තිබෙනවා...
බස් නැවතුම් පොල ඉදිරිපිටම තිබෙන උන්නික්‍රිෂ්ණන් ගේ කඩයට ගොඩ වෙන රියදුරන් සහ කොන්දොස්තර වරුන් පවා ඊලග ගමන් වාරය එළඹෙන තුරු චෙස් ක්‍රීඩා කිරීමට පුරුදු වී සිටිනවා...උන්නික්‍රිෂ්ණන්ගේ කඩ පිලේත්, නිවසේ ආලින්දයේත් චෙස් බෝඩ දහයක් පහළවක් තබා තිබෙන අතර නිතරම ඒවා කර්‍යය බහුලත්වයි...

 

ඉන්දීය චෙස් ශූර විශ්වනාත් ආනන්ද් චෙස් ක්‍රීඩාව ප්‍රචලිත කිරීමට කිසිදු ප්‍රතිඋපකාරයක් බළාපොරොත්තු නොවී ඔවුන් කරන මේ ක්‍රියාව පැසසුවා..

2013 තිරගත වුණ August club මලයාලම් සිනමාපටයෙත් මේ ගමේ චෙස් ක්‍රීඩාවට ඇති ආදරය පෙන්මට නිර්මාපකයන් කටයුතු කරලා තිබුණා..

ඉතිං සිද්ධ වෙන්න ගිය විශාල විනාශයකින් ගමක් මුදවා ගැනීමට උන්නික්‍රිෂ්ණන්ගේ උපායත් චෙස් ක්‍රීඩවත් සමත් වීම කොතරම් වටිනවාද... ඉන්දියාවේ ප්‍රාන්තයක කුඩා ගමක් ලෝක ප්‍රකට වන්නේ අන්න ඒ නිසාමයි....
නැවත හමු වෙමු..

- අමිල -