ගීයෙන් කියවෙන සත්‍ය කතා ....02 ... Bonney M - "රස්පුටීන්"

විභාගයකට සූදානම් වෙමින් සිටි නිසා දෙසැම්බර් මාසෙ පෝස්ට් දාන්න වුනේ නෑ..ඔන්න විභාගෙ ඉවරයි..අවුරුද්ද අවසාන වෙන්න කලින් 2017ට අන්තිම පෝස්ට් එකත් දාන්න හිතුවා...

මේ කියන්න යන්නෙත් පලවෙනි පෝස්ට් එකේ කීවා වගේම බොන් එම් ලගේ ගීයක් ගැන.තරමක් වේග රිද්මයෙන් ගැයෙන රස්පුටීන් ගීතය බොහෝ දෙනෙක් අසා ඇති.

රස්පුටීන් ගීයට පදනම් වෙන්නෙ රුසියාවෙ ජීවත් වුණ රස්පුටීන් කියන චරිතය ගැන.
රුසියාවේ සයිබීරියාවට අයත් කුඩා ගමක රස්පුටීන් උපදින්නෙ 19 වන සියවසේ අගභාගයේ.
වයස 18 දී පමණ, තෙමසක් තාපසාරාමයක ගත කරන ඔහු, තහනම් කළ ක්‍රිස්තියානි නිකායක් ( Khlysty ) සමඟ සම්බන්ධතා පැවැත්වූ බව කියවෙනවා.

1889 දී රස්පුටින් ප්‍රස්කොවියා ඩුබ්රොවිනා නම් තැනැත්තියක් සමග විවාහ වන අතර ඔහුට දාව ඇයට දරුවන් තිදෙනෙක් ලැබෙනවා.

රස්පුටින් අධික කාමශක්ත ආශාවකින් පෙළුනෙක් බව කියවෙන අතරම ලඳුන් ආකර්ෂණය කර ගැනීමේ අපූරු ,ගුප්ත, විස්තර කල නොහැකි හැකියාවකින් යුතු වුණා.රුසියානු ඉහල ප්‍රභූ සමාජයේ බොහොමයක් කාන්තාවන් ඔහු විසින් සිය වසඟයට ගෙන සිටි බවද සඳහන්වේ. එයට අමතරව ඔහු පුරුෂ ලිංගික ඇසුරේද යෙදුන බව කියවෙනවා. ඔහුගේ දෑස් කෙනෙක් වසඟ කර ගැනීමට සමත් ශක්තියකින් යුත් වූ බව බොහෝ තැන් වල සඳහන් වෙනවා.

මේ අතර සාර් නිකොලොයි අධිරාජ්‍යාට සහ රාජිණියට දාව විවාහයෙන් බොහෝ කලකට පසු ලද දරුවා "රාජකීය රෝගය" ලෙස හැඳින්වු හිමොෆිලියාවෙන් පෙළුණු බැවින් එය සුව කරවා ගැනීම සඳහා සිය මිතුරියක මාර්ගයෙන් රාජිණිය රස්පුටීන් ගෙන්වා ගන්නෙ ඔහුගේ ගුප්ත හැකියාවන් ගැන ප්‍රකටව තිබුණ බැවිනි.
මාලිගයට පැමිණ දරුවා පිරික්සූ රස්පුටීන් වෛද්‍යවරු පවා පුදුම කරවමින් දරුවාට සුවයක් ලබා දීමට සමත් වුයෙන් ඔහු රජ පවුලේ හිත දිනා ගත් අතර නිතරම රෝගය උත්සන්න වන අවස්ථාවලදී රස්පුටීන් දරුවා සුව කලත් ඒ කෙසේද යන්න පැහැදිලි අවබෝධයක් කිසිවෙකුටත් තිබුනේ නෑ..කලක් යත්ම දෙවියන්වහන්සේ ගේ නියොජිතයෙක් ලෙස රස්පුටීන්ව දැකීමට රාජිණිය පෙළඹෙන අතරම අධිරාජ්‍යයා ඔහුව පවුලේ ශුද්ධ මිතුරා ලෙස හැඳින්වුවා.
1915 දී අධිරාජ්‍යා යුධ කටයුතු කෙරෙහි වැඩි අවධානයක් යොමුකලෙන් රට අභ්‍යන්තර කටයුතු පිළිබඳව සොයා බැලීමට අධිරාජිණියට පැවරුණා.මෙහිදී රස්පුටීන් අධිරාජිණියගේ උපදේශකයෙක් වූ අතර මැති ඇමති වරු සහ ඉහල පෙළ බොහෝ පිරිස් රස්පුටීන්ගේ අදහස් අනුව ක්‍රියා කල රැජිණ විසින් වෙනස් කල බැවින් ඉහල පෙළ නිලධාරීන් හා ප්‍රභූ ජනයා රස්පුටීන් කෙරෙහි වෛර බැඳගත්තා හා සේම ජර්මානු සම්භවයක් ඇති රැජිණ රස්පුටීන් සමග පෙම් සබඳතාවක වෙලී ඔහු හා එක්ව ජර්මනියට සහාය දක්වන බවට කට කතා පැතිරවූවා.

1916 නොවැම්බර් මස රුසියානු පහළ මන්ත්‍රී මණ්ඩලයේ ( Duma ) නායකයා ලෙස කටයුතු කළ ව්ලැඩිමීර් පුරිෂ්කෙවිච් ( Vladimir Purishkevich ) ගෙන් ෆීලික්ස් යුසුපොව් ( Felix Yusupov ) කුමාරයාට ලිපියක් ලැබෙනවා. 

 (Felix Yusupov)

එහි

" මා රස්පුටින්ගෙන් මිදීම සඳහාවූ සැලසුමක් ගැන සිතමින් සිටිමි. එය දැන් අත්‍යාවශ්‍යම කාරණයක් බව ඉතාම පැහැදිලිය. පමාව ඉක්මනින්ම සියල්ල අවසාන කරාවි. ඔබත් මෙයට හවුල් විය යුතුය. දිමිත්‍රි පාව්ලොවිච් මේ ගැන සියල්ල දන්නා සේම දෙසැම්බර් මස මැදදී ඔහු නැවත පැමිණි පසු මෙය ක්‍රියාත්මක කිරීමට සිතා සිටිමි. මේ ගැන කිසිවෙකුටත් කිසිම දෙයක් නොපවසන්න. "

එයට පිළිතුරක් ලෙස ෆිලික්ස් කුමාරයාගෙන් ;

" ඔබගේ ලිපියට තුති. ඉන් අඩක්ම තේරුම් ගත නොහැකියි. එහෙත් ඔබ දරුණු ක්‍රියාමර්ගයකට යොමු වෙමින් පවතින බව පෙනේ. මාගේ ලොකුම විරෝධය නම් , ඔබ මගෙන් නොවිමසා නොවිමසා සියල්ල සැලසුම් කොට තීරණය කොට තිබීම කෙරෙහියි. මම නොමැතිව මෙය ක්‍රියාත්මක කිරීමට නිර්භය නොවන්න. නැතහොත් මා සම්පූර්ණයෙන්ම සහභාගී වීමෙන් වළකිමි. "
පහත චරිත ගැනද නොකියා බැරිය.
ෆීලික්ස් යුසුෆොව් කුමරු ( Felix Yusupov ) යනු රුසියාවේ ධනවත් පව්ලකින් පැවත ආ, සාර් රජුගේ ලේලිය වූ රූමත් ඉරිනා හා විවාහ වී සිටි පුද්ගලයා වූ බැවින් ම මොහුට රජ පවුල හා ඉතා කිට්ටු සබඳතාවක් තිබුණා. එසේ වුවද මොහු සමලිංගික ආශ්‍රයන් ප්‍රියකළ පුද්ගලයකු බවද කියවෙනවා. එම රුචිකම් පසු කලෙක් රස්පුටින්ව ඔවුන්ගෙ දැලට ග්‍රහණය කර ගැනීමට උපකාර වන්නට ඇත.

                                                                                                                                                                                          (Felix and Erina)

ආදිපාද දිමිත්‍රි පව්ලොවිච් ( Dmitri Pavlovich ) නම් සාර් රජතුමාගේ ඥාති සොහොයුරෙකි. රජුගේ වැඩිමහලු දියණිය හා විවාහ ගිවිසගෙන සිටියත්, ෆීලික්ස් කුමරා හා පැවැත්වූ සමලිංගික සබඳතාවය නිසා එම විවාහය කඩා කප්පල් වූ බව කියවෙනවා.

ව්ලැඩිමීර් පුරිෂ්කෙවිච් ( Vladimir Purishkevich ) නම් ඩුමා හී ප්‍රධාන තනතුර හෙබවූ පුද්ගලයාය. කුමන්ත්‍රණයට මුල්වී ක්‍රියා කළ අයගෙන් කෙනෙකි.

ලුතිනන් සුක්හෝටින් :තරුණ හමුදා නිලධරයෙක් වුණ අතර දොස්තර ලසාවර්ට් :
පුරිස්කෙවිච්ගේ මිතුරකු සහ වෛද්‍යවරයා වුණා.

සිදූවීම් කිහිපයකින් අනතුරුව රස්පුටින් හා මිතු දමක් ඇති කර ගැනීමට ෆීලික්ස් කුමරු, සමත් වන අතර පසුව ඒ මාර්ගයෙන් රස්පුටින්ව ඔහුගේ මාලිගයට රවටා ගෙනවිත් ඝාතනය කිරීමට සැළසුම් පිලියෙල වුණා. 

1916 දෙසැම්බර් 16 වන දින තෙක් දිමිත්‍රි පව්ලොවිච් කාර්යය බහුල බැවින් හා දෙසැම්බර් 17 වන දින පුරිස්කෙවිච් යුද පෙරමුණට යායුතු බැවින් ඝාතනය දෙසැම්බර් 16 රාත්‍රියේදී, එනම් 17 දින පෙර යමද් කාර්යය කිරීමට කුමන්ත්‍රණ කරුවෝ කතිකා කර ගත්තා. මධ්‍යම රාත්‍රියෙන් පසුව රස්පුටින්ගේ නිවසට යොදා තිබුණු ආරක්ෂක රැකවල් ඉවත් කිරීමද මෙම වේලාව තෝරා ගැනීමට එක් හේතුවක් වුණා. දෙසැම්බර් 17 වන දින අලුයම 12.30 ට ෆීලික්ස් විසින් රස්පුටින්ව නිවසින් රැගෙන ඒමට සැලසුම් කලා.
එසේ වුවද රස්පුටින්ව නිවසින් පිටතට ගැනීමට සාධාරණ හේතුවක් සැපයිය යුතු වුණා. මේ සඳහා, රස්පුටින්ගේ ස්ත්‍රී ෙකරෙහි ආශාව ගැන නොමදව දැන සිටි ඝාතකයන්, ෆීලික්ස් කුමරුගේ රූමත් බිරිය ඇමක් ලෙස භාවිතා කිරීමට කතිකා කරගත්තා. ඒ අනුව එවකට ක්‍රිමියාවේ නතරව සිටි සිය බිරිඳගෙන් මෙම කුමන්ත්‍රණයට සහභාගී වන ලෙස කුමරු ඉල්ලා සිටියත් ඇය විසින් එම ඉල්ලීම ප්‍රතික්ෂේප කිරීම නිසා රස්පුටින්ව බොරුවකින් මුළා කිරීමට පිරිස කතිකා කර ගන්නවා.
මෙසේ ඉරිනා කුමරිය මුණගැස්වීමටයි මුසා බස් පවසා රැගෙන එන රස්පුටින්ව ෆීලික්ස් කඅමරුගේ මාලිගයේ බිම්මහලේ රඳවා තබා ගැනීම ෆීලික්ස්ට නියම වුණ ප්‍රධානම කාර්යයයි. ඒ අතරේ ඉහළ මාලයේ ඉරිනා කුමරිය හදිසියේ පැමිණි අමුත්තකු සමඟ කතා බහක යේදී සිටින බවක් ඇඟවෙන සේ ක්‍රියා කිරීමත්, එසේ බලාපොරොත්තුව සිටින අතරතුරේ රස්පුටින්ට සයනයිඩ් දමූ කේක් සහ වයින් පානය කිරීමට දී ඝාතනය කිරීමත්, ඝාතනයෙන් පසු ගෝනි වළ දමන ලද දේහය මලයා නෙව්කා නදියට දැමීමත් කුමන්ත්‍රණ කරුවන්ගේ සැලසුම වුණා. හඬ පිටතට ඇසිය හැකි බැවින් ඝාතකයන් රිවෝල්වර් භාවිතයට යොමු වුනේ නෑ..
නොවම්බරයේ රස්පුටින්ව හොඳින් දන්නා සිය හිතවතියක් වූ මාරියා ග්ලොවිනා හමුවේ ෆීලික්ස් තමනට නිතර නිතර හට ගන්නා පපුවේ අමාරුවක් ගැන කියා සිටිනවා. ඔහු බලාපොරොත්තු වූ පරිදිම ඇය විසින් ප්‍රතිකාර සඳහා රස්පුටින්ව යෝජනා කල අතර ප්‍රතිකාර සඳහා ඇයගේ නිවසේදී ෆීලික්ස් ට රස්පුටින්ව මුණගස්වීමට සළස්වන අතර ටික කලෙකින්ම රස්පුටින් හා ෆීලික්ස් ගජ මිතුරන් බවට පත්වෙනවා. ෆීලික්ස් නිතර නිතර රස්පුටින්ගේ නිවසට යාමට ඒමට ගත් අතර, බොහෝදෙනෙකු එය සුවකිරීම් වලට එහා ගිය සමලිංගික සම්බන්ධයක් යයි උපකල්පනය කලා.
සැළැස්මේ වූ පරිදිම සුදුසු කල්හී, ෆීලික්ස් විසින් රස්පුටින් හට සිය බිරියගේ පැමිණීම ගැන දැනුම් දුන් අතර බලාපොරොත්තු වූ පරිදිම රස්පුටින් ඇයව හමුවීමට ඉතාම උනන්දු බව ප්‍රකට කලා. දෙසැම්බර් 17 වන දින අළුයම 12.30 ට ඇයව රස්පුටින්ට මුණගැස්වීමට හැකි බව ෆීලික්ස් රස්පුටීන් හමුවේ යෝජනා කලෙන් දෙදෙනා ඊට එකඟවෙනවා.

අද තමයි දවස. 17 දින මධ්‍යම රාත්‍රියේදී රස්පුටින් ලා නිල් පැහැති කමිසයකින් හා නිල් පැහැති වෙල්වට් කලිසමකින් සැරසී තමාව රැගෙන යාමට ෆීලික්ස් පැමිණෙන තුරු පොරොත්තුවෙන් සිටියා. මෙම ගමන ගැන කිසිවකුට නොපවසන ලෙස ෆීලික්ස් ඉල්ලා තිබුණත් ෆීලික්ස් නොදැනුවත්ව රස්පුටින් ඒ වනවිටත් බොහෝ දෙනෙකුට එය දන්වා තිබුණා.සැළසුම ගැන ඉවක් ඔහුට තිබුණාද?!.
මේ අතරේ ඝාතකයන් ෆීලික්ස් මාලිගයේ බිම් මහලේ වූ කෑම කාමරයට එක් රොක්ව සිටි අතර දොස්තර ලසාවර්ට් විසින් සයනයිඩ් කැට කුඩු කොට කේක් සහ වයින් වලට මුසු කොට තිබුණා. කේක් කිහිපයක් සහ වයින් වීදුරු කිහිපයක් වස නොදමා ඉතිරි කළේ අවශ්‍ය වුවහොත් ෆීලික්ස්ට කෑමට ගැනීම සඳහායි.

(The room where Rasputin has been killed)

 රාත්‍රී12.30 ට පමණ ෆීලික්ස් සහ ලසාර්වට් රස්පුටින්ගේ නිවසට යන අතර රස්පුටින් ඔවුන් හා නැවත ෆීලික්ස් මාළිගයට යෑමට එක්වුණා.අවදියෙන් සිටි නිවසේ ප්‍රධාන මෙහෙකාරිය ජනෙල් තිර අතරින් ෆීලික්ස්ව හඳුනා ගැනීමට සමත් වෙනවා.

ඔවුන් ෆීලික්ස් ගේ මාලිගයට පමිණි පසු, ෆීලික්ස් විසින් රස්පුටින්ව පාසකින් වූ දොරකින් බිම් මහලෙහි කෑම කාමරය වෙත කැඳවාගන එන ලද අතර ඉහළ මාලයෙහි සිහින් සංගීතයක් වාදනය වෙමින් පැවතුණා. සිය බිරිඳ හදිසියේ පැමිණි අමුත්තකු සමඟ කතා බහක යෙදෙන බවත්, මොහොතකින් පහළට එන බවත් ෆීලික්ස් විසින් රස්පුටින්ට දැනුම් දෙන අතර එතෙක් දෙදෙනා අල්ලාප සල්ලාපයේ යෙදෙමින්ම ෆීලික්ස් විසින් රස්පුටින් හට කේක් සහ වයින් පිළිගැන්වූවද එවා පැණිරස අධිකයයි පවසා රස්පුටින් විසින් ප්‍රතික්ෂේප කලෙන් සිත තරමක් කලබලයට පත්වූ ෆීලික්ස්, රස්පුටින්ට විශේෂයක් නොහැඟෙන ලෙසට උඩුමහලට ගොස් අනෙක් අයට සිද්ධිය සැලකොට නැවත පහළට එන විට රස්පුටින් කේක් සහ වයින් පිළිගැනීමට සූදානම්ව සිටියා.

සයනයිඩ් යනු භාවිතා කළ සැණින් ක්ෂ්ණික මරණයක් උරුම විය හැකි විෂක් වුවද රස්පුටින් කිසිදු ආකාරයක වෙනසක් නොපෙන්වා පෙර පරිදිම සිටීම ෆීලික්ස් නොසන්සුන් කිරීමට සමත් වෙන්න ඇති.රස්පුටින්ගේ ඇදවැටීම දැකීමට බලාපොරොත්තුවෙන් ෆීලික්ස් දිගටම ඔහු සමඟ කතා බස් කරමින් සිටියද කිසිවක් සිදු නොවෙන බව හැඟී ගියෙන් ෆීලික්ස් සමාව ගෙන නැවතත් කලබලයෙන් උඩු මහලට දිව ගොස් සිය මිතුරන්ට විත්තිය දන්වා සිටියෙන් ක්ෂණික කෙටි සාකච්ඡාවකින් පසු ඔවුන් විසින් රස්පුටින්ව වෙඩිතබා ඝාතනය කිරීමට එකඟ වූයන් දිමිත්‍රිගේ පිස්තෝලයත් රැගෙන ෆීලික්ස් නැවතත් පහළට පැමිණෙනවා.ෆීලික්ස් පහළට එන විට රස්පුටින් විසින් එහි වූ කළුවර කැබිනෙට්ටුවක් දෙස සිය අවධානය යොමුකොට සිටි අතර පිස්තෝලය පිටුපස සඟවාගන පැමිණි ෆීලික්ස්, ක්ෂණිකව රස්පුටින් අමතා සිය අවධානය ඔහුවෙතට ගෙන, රස්පුටින්ගේ පපු ප්‍රදේශ ඉලක්ක කොටගෙන උණ්ඩයක් නිකුත් කළා. උණ්ඩය රස්පුටින්ගේ හදවත පසාරු කරගන ගිය අතර වෙඩි හඬ ඇසුණු අනෙක් කුමන්ත්‍රණ කරුවන් පිරිසද පහළට දිව එන විටත් රස්පුටින් බිම වැටී සිටි අතර ෆීලික්ස් පිල්තෝලය අතැතිව ඔහු අසල සිටගෙන සිටියා.මොහොතක් ගැස්සෙමින් තිබූ රස්පුටින්ගේ සිරුර නිසල වුණා.

මෙසේ රස්පුටින්ගේ මියයාම ගැන ප්‍රීතියට පත් කුමන්ත්‍රණ කරුවන් උඩුමහලට ගොස් එය සමරන්න කටයුත් කලා.තව මද වේලාවක් ගතවෙන තැන සිරුර නදිය වෙත රැගෙන යාමට සැලසුම් කෙරුවේ කිසිවකුටත් නොපෙනෙන පරිදි එය සිදුකළ යුතු නිසාය.
මින් පැයකට පමණ පසු, ෆීලික්ස් හට පහළට ගොස් රස්පුටින්ගේ දේහය පරික්ෂාකොට බැලීමේ සිතුවිල්ලක් නැගුණෙන් ඔහු, බිම්මහලට ගොස් සිරුර පරික්ෂා කොට බැලූ අතර එය තවමත් උණුසුමින් යුක්ත බව දැනගත් ඔහු අතිෂය විමතියට පත්වී සිරුර සොලවා බලන අතර ඉන් ප්‍රතිචාරයක් නොලදින් සියල්ල සතුටුදායකව අවසන් වී ඇතැයි සිතා ආපසු හැරීමෙදී දුටු දෙයින් භිරාන්ත වෙන්නට ඇති බව සිතමි.ඒ නම් රස්පුටින්ගේ වම් ඇස විවර වෙමින් තිබීමයි .ඔහු තවමත් ජීවතුන් අතර සිටියා පමණක් නොවේ ක්ෂණිකව ෆීලික්ස් වෙතට පැන ඔහුගේ ගෙලින් සහ උරහිසෙන් ග්‍රහණය කොට ගන්නටත් සමත් වෙනවා.සුලු පොරබැදීමකින් ඔහුගෙන් ගලවුණු ෆීලික්ස් " මූ තවම මැරිලා නෑ " ලෙස හඬ දෙමින් උඩුමාලට දිව යනවිටත් භීතියෙන් ගල් ගැසී සිටියා.මේ අවස්ථාවේදී සිය රිවෝල්වරය අරගත් පුරිෂ්කෙවිච් වහාම පහළට දිව යන විට රස්පුටින් " ෆීලික්ස් ෆීලික්ස් මම උඹලා ගැනත් මේ සියල්ලමත් අධිරාජිණියට කියනවා ..උඹල බලාගනිල්ලා ... " ලෙස තර්ජනය කරමින්ම මැද මිදුල හරහා එළියට දිව යමින් සිටියා.

ඔහු පසු පසම දිව යන පුරිස්කෙවිච් දුවමින්ම දෙපාරක් වෙඩි තැබුවත් එම දෙවරම ඉලක්කය මගහැරුණ අතර තෙවෙනි වෙඩිල්ල රස්පුටින්ට වැදුනා.සිව්වෙනි වෙඩිල්ල රස්පුටින්ගේ හිස පසාරු කරගෙන ගමන් කරත්ම ඔහු සිහිසන්ව ඇද වැටුණා. සිය හිස ගැස්සෙමින් තිබුණත් ඔහු බඩ ගාමින්ම ඉදිරියට යාමට උත්සහා කළද ඔහු වෙත පැමිණි පුරිෂ්කෙවිච් හිසට පා පහරක් එල්ල කොට නැවතත් රස්පුටින්ව මාලිගය තුළට රැගෙන ඒමට සමත් වෙනවා.රස්පුටින්ගේ මුහුණ දුටු ෆීලික්ස් කෝපයෙන් වියරුව අසල වූ ව්‍යායාම පිණිස බර ඔසවන උපකරණයකින් ( Dumbbell ) දිගට හරහට රස්පුටින්ගේ සිරුරට පහර එල්ල කළා.

(Rasputin's body)

 මේම අවස්ථාවේදී වෙඩි හඩ ඇසුණු අසල වීථියේ රාජකාරියේ යෙදුණු පොලිස් නිලධාරියා ඒ ගැන පරික්ෂා කිරීමට මාලිගය වෙත පැමිණුනෙන් ෆීලික්ස්ගේ සේවකයා හමුවන ඔහු ඒ ගැන විමසා සිටියත් එවැනි දෙයක් නොඇසුණු බව සේවකයා පවසා සිටි නිසා එය මෝටර් රථයක දුම් බටයකින් අතිවූ හඬක් යැයි සිතා නැවතත් සිය රාජකාරි ස්ථානයට ගමන් කරත්ම සේවකයා ගේ දැනුම් දීමෙන් පුරිෂ්කෙවිච් විසින් පොලිස් නිලධාරියාව නැවත කැඳවා;
රටට ආදරයක් තිබේනම් මේ කිසිවක් කිසිවෙකුට නොපවසන ලෙස අවවාද කොට පොලිස් නිලධාරියාව පිටත් කොට හරිනු ලැබුවද සිය රාජකාරි ස්ථානයට ආ සැණින් පොලිස් නිලධාරියා සිය ප්‍රධානියාට සියල්ල වාර්තා කොට සිටීමට කටයුතු කලා.
විශ්වාස කිරීමට ඉතා අපහසු ලෙස වස දීමෙන්, තුන් වරක් වෙඩි තැබීමෙන් සහ අධික ලෙස පහර දීමෙන් පසු පවා රස්පුටින් තවමත් මිය ගොස් නොසිටි බව ඔබට මා කීවාද?..ඔහ මේ වන විටත් ජීවතුන් අතර සිටියා.
සියලු ක්‍රියාවන්ගෙන් හෙම්බත්ව සිහි විකල්ව සිටි කණ්ඩායම මෙම කරදරයෙන් ඉක්මනින්ම මිදීමට සිතූයෙන් රස්පුටීන්ගේ අත් පා බැඳ සිරුර බර රෙදිවලින් ඔතා මෝටර් රථයට දමා, නෙෆ්කා නදිය වෙත ගමන් කළා. සීතල දෙසැම්බරයේ නදිය තරමක් දුරට මිදී තිබුණ අතර ඔවුන් විසින් කලින් හඳුනාගෙන තිබුණු අයිස් තට්ටුව මදක් කැඩී ගිය එක් විවරයක් ෙසායාගෙන ඉන් සිරුර ගඟට දැමීමට කටයුතු කලත් සිරුර ජලයේ උඩට නොපැමිණෙන ලෙස බරක් ගැට ගැසීමට අමතක වී තිබුණා.
පසුදින උදෑසන, රස්පුටින්ගේ නිවසේ අය ,ෆීලික්ස් සමඟ පෙර දින රාත්‍රියේ පිටත්ව ගිය රස්පුටින් නැවත නොපැමිණියෙන් ග්ලෝරියා වෙතද ඔහුගේ නොපැමිණීම ගැන සැල කොට සිටියා.ෆීලික්ස්ගෙන් ඒ ගැන විමසා සිටි විට ඔහු පවසා තිබුනේ , පසු ගිය රාත්‍රියේදී තමා රස්පුටින්ව නොදුටු බවකුයි. මේඅතර පොලිස් නිලධාරියා විසින් සිදුකළ ප්‍රකාශය අරභයා පරික්ෂණ ඇරඹී තිබුණා. පොලිස් පරික්ෂණයක් සිදුවෙතැයි අනුමාන කළ ෆීලික්ස් සිය සුනඛයාව මරා උගේ රුධිරය අපරාධය වූ ප්‍රදේශයේ විසුරුවා හැරීමට කටයුතු කර තිබුණ අතර පෙරදින රාත්‍රියේ සම්භාෂණයට සහභාගී වූ අමුත්තකු විසින් ,සුනඛයකු වෙඩි තබා මැරීම ඉස්තරම් විහිළුවක් යයි පවසා මෙය සිදුකළ බවත් එමනිසා සෑම තැනම රුධිරය විසිරී ඇති බවත් පොලීසියට දැනුම් දුන්නා. එහෙත් ඔහුට පොලීසිය නොමග යැවීමට ඔහු සමත් වුණේ නෑ.එහි සුනඛකයකුගෙන් නිකුත්විය හැකි ප්‍රමාණයට වඩා රුධිරය වූ අතර පොලිස් නිලධාරියා වෙඩි හඬ තුනකටද වඩා ශ්‍රවණය කොට තිබුණා. ප්‍රබලම සාක්ෂිය වූයේ පෙරිස්කොවිච් විසින් රස්පුටින්ව ඝාතනය කළ බවට කළ ප්‍රකාශයයි.

1916 දෙසැම්බර් 19 වන දින, රුසියාවේ මලයා නෙෆ්කා නදියේ මහා පෙට්‍රොව්ස්කි පාලම අසලින් මල සිරුරක් මතු වුණා. එය හඳුනා ගත නොහැකි අයුරින් ඒ වන විටත් නරක්ව තිබුණෙන් වැඩිදුර පරීක්ෂණ වලින් තහවුරු වූණේ, එය අධික ලෙස වස දීමෙන්, තෙවරක් වෙඩි තැබීමෙන්, දරුණු ලෙස පහර දීමෙන් සහ අවසානයේදී දියේ ගිල්වීමෙන් සිදු කළ මරණයක් බවයි. එක් සාමාන්‍ය පුද්ගලයෙක් ඝාතානය කිරීමට මෙතරම් දේවල් ප්‍රමාණයක් කල යුතුව තිබුණාද? ඔවු රස්පුටීන් සම්බන්ධයෙන් එය එසේම වී තිබුණා.

(Palace of Felix Yusupov)

RASPUTIN LYRICS

There lived a certain man in Russia long ago
He was big and strong, in his eyes a flaming glow
Most people looked at him with terror and with fear
But to Moscow chicks he was such a lovely dear
He could preach the bible like a preacher
Full of ecstasy and fire
But he also was the kind of teacher
Women would desire

Ra ra Rasputin
Lover of the Russian queen
There was a cat that really was gone
Ra ra Rasputin
Russia's greatest love machine
It was a shame how he carried on

He ruled the Russian land and never mind the czar
But the cassock he danced really wunderbar
In all affairs of state he was the man to please
But he was real great when he had a girl to squeeze
For the queen he was no wheeler dealer
Though she'd heard the things he'd done
She believed he was a holy healer
Who would heal her son

Ra ra Rasputin
Lover of the Russian queen
There was a cat that really was gone
Ra ra Rasputin
Russia's greatest love machine
It was a shame how he carried on

But when his drinking and lusting and his hunger
For power became known to more and more people
The demands to do something about this outrageous
Man became louder and louder

This man's just got to go, declared his enemies
But the ladies begged, don't you try to do it, please
No doubt this Rasputin had lots of hidden charms
Though he was a brute they just fell into his arms
Then one night some men of higher standing
Set a trap, they're not to blame

Come to visit us they kept demanding
And he really came

Ra ra Rasputin
Lover of the Russian queen
They put some poison into his wine
Ra ra Rasputin
Russia's greatest love machine
He drank it all and said, I feel fine

Ra ra Rasputin
Lover of the Russian queen
They didn't quit, they wanted his head
Ra ra Rasputin
Russia's greatest love machine
And so they shot him 'til he was dead

Oh, those Russians....

Songwriters: Frank Farian / Fred Jay / George Reyam

- අමිල-